.

.

O CSIC comeza os seminarios científicos de 2018 con Bruno Díaz, director do BDRI do Grove

GCiencia tamén participará nunha das xornadas, que tamén serán impartidas por expertos do CSIC de Galicia e as universidades de Vigo e A Coruña

A delegación do CSIC en Galicia pon en marcha este venres en Vigo o seu ciclo de seminarios científicos do primeiro semestre de 2018, impulsado polo Instituto de Investigacións Mariñas. A iniciativa, coordinada pola investigadora Beatriz Novoa, naceu en 2014 e desenvólvese en dous programas anuais.

A primeira das citas será este venres 12, a partir das 11 horas, na aula do IIM (rúa Eduardo Cabello, 6), a cargo de Bruno Díaz López, director e fundador do Bottlenose Dolphin Research Institute (BDRI), con base no Grove, e que nestes últimos meses avistou un importante número de cetáceos nas costas galegas, entre eles, varias baleas azuis. A entrada é libre e gratuita ata completar o aforo.

A intervención de Bruno Díaz levará por título “Estudos eco-etolóxicos en cetáceos: importancia para a xestión e conservación dos ecosistemas costeiros”. Díaz, licenciado en Bioloxía pola USC e doutor en Ecoloxía Animal pola universidade de Burdeos, leva anos investigando o impacto das actividades humanas na ecoloxía e o comportamento dos cetáceos, o comportamento social, os modelos ecolóxicos e a comunicación animal.

O programa desenvolverase ata o 29 de xuño, a través dunha decena de seminarios que terán lugar os venres pola mañá no IIM. O xornalista e fundador de GCiencia Eduardo Rolland falará nun dos seminarios, que versará sobre a relación de Jules Verne coa cidade e a ría de Vigo.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.