Venres 29 Marzo 2024

Cangas explotará o 'carallo de mar'

O ‘carallo de mar’ xa pode chegar ás mesas de Galicia. A Xunta ven de autorizar a captura e explotación comercial deste verme oceánico, emparentado coas estrelas de mar, que ten importantes usos en alta cociña e resulta moi aprezado especialmente nos mercados de Oriente. O ‘carallo de mar’ é a gran novidade da nova campaña de Pesca e Marisqueo aprobada o pasado 31 de decembro pola Consellería de Pesca. A autorización de explotar a ‘Holothuria forskali‘, que é o seu nome científico, xorde ante a incipiente demanda comercial. Esta especie enmárcase dentro do grupo dos equinodermos e está presente nas augas do litoral galego. Na explotación deste novo recurso participarán 7 embarcacións da confraría de pescadores de Cangas.

70 países do mundo capturan o carallo de mar para produtos delicatessen

A Holothuria forskali é unha das 47 especies de holoturias que se coñecen en Galicia desde a zona litoral ata os 3.000 metros de profundidade. Captúrase e comercialízase en máis de 70 países de todo o mundo e é explotada pola pesca industrial, semi-industrial e artesanal nas rexións polares, temperadas e zonas tropicais. As holoturias comercialízanse evisceradas, fervidas, salgadas e secadas. Tamén é habitual o seu consumo en cru ou en diversas preparacións culinarias e o procesado dalgunhas das súas partes para a elaboración de produtos delicatessen.

Publicidade

3 COMENTÁRIOS

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Aparecen centos de medusas mortas na praia de Nerga

Unha das hipóteses que podería explicar o fenómeno é que as correntes e o vento levasen a case 200 exemplares a varar no areal de Cangas

A praia de Barra agocha unha aldea soterrada: un cambio climático invadiu todo de area hai 500 anos

Unha investigación publicada por Andrés Pino analiza o impacto social e económico da Pequena Idade do Xeo no asentamento de Cangas

Confirmada a presenza do mosquito tigre en Cangas

Identificouse un exemplar neste concello, que xa se suma aos de Vigo e Moaña como municipios afectados por esta especie invasora

É posible cultivar ourizo de mar? Un equipo de Vigo busca alternativas para frear a sobreexplotación

Científicos do Centro de Investigacións Mariñas analizan as cinco especies de Galicia, moi pouco estudadas ata o de agora