Martes 19 Marzo 2024

Un estudo feito en Arousa confirma por primeira vez a sostibilidade entre arroaces e bateas

Os investigadores mariños crían ata o de agora, en base a varios estudos, que as plataformas para o cultivo de bivalvos, nomeadamente as bateas, impactaban de xeito negativo na presenza dos arroaces (Tursiops truncatus). Porén, un novo estudo realizado na ría de Arousa por científicos do centro de investigación do Grove BDRI (Bottlenose Dolphin Research Institute), sinala que, nas rías galegas, a convivencia entre estes golfiños e os cultivos de ostras e mexillóns é, polo menos nas rías galegas, máis sostible que en calquer outro sistema de outras partes do mundo.

Estes resultados confirman por primeira vez a nivel mundial que os golfiños non sufren un impacto negativo pola presenza destas plataformas, nas que se cultivan mexillóns ou ostras. Así, os investigadores conclúen que a relación entre a cría de moluscos e os golfiños vai depender da técnica de cultivo e das especies presentes neses criadeiros.

Publicidade

Datos dos movementos das observacións (liñas grises), observacións dos arroaces (puntos negros) e polígonos de bateas (recadros grises).
Datos dos movementos das observacións (liñas grises), observacións dos arroaces (puntos negros) e polígonos de bateas (recadros grises).

O traballo, publicado na prestixiosa revista Marine Technology, expón que os arroaces acoden ás bateas para para alimentarse, polo que a presenza destes mamíferos aumenta nos lugares onde se sitúan os polígonos marisqueiros. As observacións realizadas ata o de agora en lugares como China, Chile, Australia ou Nova Zelanda suxerían que estas plataformas causaban un efecto negativo da distribución destes golfiños.

Os arroaces teñen nas bateas unha fonte de alimento “fácil de atopar e capturar”, se se compara coa busca de peixes silvestres noutras zonas. Amais, os resultados sinalan que a técnica de cultivo das bateas que se emprega en Galicia é totalmente sostible coa presenza destes cetáceos. Por tanto, a información obtida podería ser de gran utilidade para a xestión da acuicultura en Galicia.

Para esta investigación desenvolveuse un traballo de campo durante 22 meses, con 154 días de observación de 353 grupos de arroaces a bordo dun barco na ría de Arousa, unha das zonas de maior produción de bivalvos a nivel mundial.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A rede ambiental máis grande do mundo declara as rías galegas como área importante de mamíferos mariños

A IUCN destaca o valor da poboación dos cetáceos que viven nas costas de Galicia, especialmente dos golfiños

Cal é o alimento que desencadea o pracer nos peixes?

Coñecer os mecanismos de motivación pola comida podería mellorar a eficiencia económica das empresas dedicadas á acuicultura

O CIM participa na creación dunha rede europea de infraestruturas de investigación

O obxectivo é mellorar os servizos en acuicultura, pesca e economía azul das institucións que forman o consorcio

Un equipo identifica na ría de Vigo patóxenos cun impacto “crucial” para a acuicultura e a biodiversidade mariña

Os investigadores atoparon bacterias, organismos eucariotas, especies invasoras e os cambios estacionais de abundancia