Os resultados evidencian, segundo os autores, a existencia dunha contaminación "ampla" e "procedente de múltiples fontes".

Os resultados evidencian, segundo os autores, a existencia dunha contaminación "ampla" e "procedente de múltiples fontes".

Alertan da elevada presenza de microplásticos nos peixes de especies comerciais

O IEO atopou compostos sintéticos en pescadas, salmonetes de lama, melgachos e bogas capturadas no Atlántico e o Mediterráneo

Dous traballos publicados por investigadores do Instituto Español de Oceanografía veñen de revelar que unha elevada porcentaxe dos peixes de especies comerciais presentes nas costas españolas do Atlántico e do Mediterráneo teñen microplásticos nos seus estómagos.

No primeiro dos estudos, recentemente publicado na revista Marine Pollution Bulletin, e no que participou o Centro Oceanográfico de Vigo, analizáronse un total de 212 peixes de fondo de gran interese comercial: 72 melgachos, 12 pescadas e 128 salmonetes de lama. En total, 37 destes animais, un de cada seis, tiñan restos de microplásticos no seu corpo.

“Non existe evidencia de efectos negativos para a saúde humana, pero sería conveniente estudalo”

A maior presenza destes compostos sintéticos detectouse nos salmonetes de lama, seguidos das pescadas e os melgachos. As tres especies adoitan empregarse como bioindicadores da contaminación mariña. En canto ás rexións xeográficas, a presenza foi maior nas augas do Mediterráneo, especialmente nas próximas a Barcelona. Tamén destacan as cifras de plásticos que apareceron nos melgachos do Cantábrico e do Golfo de Cádiz. Juan Bellas, coordinador do estudo, sinala que aínda que “non existen evidencias de efectos negativos na saúde humana, sería conveniente estudar” a relevancia destes achados.

A segunda das investigacións, publicada en Environmental Pollution, estudaba a presenza de microplásticos no tracto gastroinstestinal da boga, un peixe común no Mediterráneo, especialmente arredor das Baleares. As autoras do traballo, Salud Deudero e Carmen Alomar, sinalan que case o 70 por cento das bogas estudadas conteñen polímeros de plástico menores de 5 milímetros nos seus estómagos. Os indicios apuntan a que a contaminación por plástico nas costas de Mallorca e Ibiza é ampla e procede de múltiples fontes. “Os resultados son importantes e proporcionan evidencias da presenza destes compostos do medio mariño, podendo ser inxeridos pola biota e transferidos nas redes tróficas”, sinalan as autoras.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.