A toniña desapareceu do Mediterráneo e ten en Galicia o seu derradeiro refuxio no sur de Europa.

A toniña desapareceu do Mediterráneo e ten en Galicia o seu derradeiro refuxio no sur de Europa.

A toniña campa no mar de Galicia

O máis pequeno dos cetáceos da nosa costa semella medrar en poboación segundo o censo de avistamentos que realiza a CEMMA

A toniña (Phocoena-phocoena/ marsopa en castelán) campa nas augas de Galicia. De feito, o censo en marcha deste cetáceo rexistra o dobre de avistamentos que na última campaña, realizada no 2011. A Coordinadora para o Estudo dos Mamíferos Mariños (CEMMA) desenvolve esta investigación, nun programa patrocinado pola Fundación Biodiversidade.

Rescate dunha cría de toniña por voluntarios da CEMMA.

Rescate dunha cría de toniña por voluntarios da CEMMA.

A toniña é a menor das especies de cetáceos presentes en Galicia, e a máis ameazada en Europa. Nas nosas costas pódense ver exemplares dende as Rías Baixas á costa de Lugo. Pero é difícil velas dentro das rías, xa que adoitar estar en fondos de máis de 100m de profundidade. Aínda que tamén está presente en otras zonas de Europa, as toniñas de Galicia e Portugal teñen características propias, como por exemplo ter un maior tamaño cas de outras zonas.

“É unha das especies de cetáceos máis importante en Galicia, porque está extinguida no Mediterráneo e aquí e nas costas de Portugal está o seu último refuxio na península Ibérica”, explica José Cedeira, biólogo e presidente da CEMMA: “Este ambicioso estudo inclúe avistamentos dende terra e campaña en barco; tamén por primeira vez empregamos unha avioneta”.

A campaña da CEMMA emprega por primeira vez unha avioneta para avistamento

Xa na metade da campaña, téñense navegado 478 millas e se rexistraron 108 avistamentos de cetáceos. A toniña foi o 7,4% dos avistamentos, cando no censo anterior só representaba o 4 por cento do total. A meirando parte dos cetáceos observados na presente campaña son golfiños, aínda que tamén apareceron arroaces, balea común e mandas de orcas, especialmente na zona de Fisterra e Malpica.

“Galicia é unha zona de especial interese para os mamíferos mariños, pola riqueza das nosas augas. Contamos con grandes cetáceos, como as baleas e cachalotes. E pequenos como os golfiños e as toniñas. Ademais, hai unha gran poboación de lobos de mar e de tartarugas”, explica José Cedeira, quen ve na presión da pesca o as redes á deriva o principal problema para os mamíferos mariños nas augas galegas.

Podes ter máis información sobre a CEMMA e a campaña da toniña na nosa reportaxe audiovisual da sección ‘Ciencia en Vivo’:

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.