Os proxectos interesados poderán presentar a súa candidatura ata o 29 de setembro. Imaxe: ZFV.

Os proxectos interesados poderán presentar a súa candidatura ata o 29 de setembro. Imaxe: ZFV.

A quinta edición de ViaGalicia, xa en marcha

A aceleradora de empresa impulsada pola Zona Franca de Vigo e a Xunta conta cun orzamento de 2,65 millóns de euros

ViaGalicia está de novo en marcha. A quinta edición desta aceleradora de empresas, impulsada pola Zona Franca de Vigo e a Xunta de Galicia, a través da GAIN, ten aberto ata o 29 de setembro o prazo de inscrición para os proxectos interesados en abrir novas vías de negocio.

Este ano, o proxecto conta cun orzamento de 2,65 millóns de euros, cos que se apoiará aos participantes a través de formación, asesoramento, e financiación. Deste xeito, poderanse obter ata 125.000 euros en axudas directas e de capital risco.

Recuperación de proxectos

Neste ano, a novidade é a recuperación de dous proxectos das anteriores edicións, que participarán directamente nesta nova fase de aceleración. Desde o seu nacemento, en 2013, presentáronse máis de 900 propostas. Delas, 120 foron apoiadas, e deste grupo, máis de medio cento convertéronse en empresas que xeraron máis dun cento de postos de traballo.

Unha vez rematado o prazo de inscricións, haberá unha primeira selección de 80 proxectos que participarán no Startup Day, no que se avaliarán as habilidades dos emprendedores. De aquí sairán elixidos 40 proxectos. Pasarán entón a unha fase de pre-aceleración de seis semanas, que se desenvolverá en Vigo e Lugo, onde se lles aportarán as ferramentas precisas para definir o modelo de negocio e mellorar a súa proposta.

Máis adiante chegará o Demo Day, onde os proxectos terán que ser defendidos ante un comité técnico formado por expertos. Aquí seleccionaranse 15 proxectos que pasarán á fase de aceleración. Esta parte realizarase nas instalacións de Porto do Molle, co apoio dun equipo de titores e mentores, co obxectivo de acadar o nivel necesario para presentarse a futuras roldas de investimentos. Por último, no Investors Day, os encargados dos proxectos defenderán a súa idea fronte a empresas, colaboradores e fondos de inversión para captar novos socios.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.