Reitores, Zona Franca e representantes de Unirisco no aniversario.

Reitores, Zona Franca e representantes de Unirisco no aniversario.

Unirisco cumpre 15 anos financiando empresas que nacen na Universidade

A empresa de capital risco axudou a fundar trinta novas firmas e participa agora en seis importantes tecnolóxicas

Unirisco Galicia, a primeira sociedade de capital risco especializada no financiamento de empresas de base tecnolóxica impulsada dende a universidade, celebrou este luns na Facultade de Xeografía e Historia o acto central do seu décimo quinto aniversario coa presenza dun cento de personalidades do ámbito universitario e a empresa. Na mesa presidida polo reitor Juan Viaño, tamén estiveron participaron o ex reitor e presidente da RAE, Darío Villanueva; o director xeral e Unirisco Galicia, Martín Rivas Antón; o conselleiro delegado de Innolact, Sergio Martínez Alonso; e o conselleiro delegado de Situm Tecnologies, Víctor Álvarez Santos. A xornada serviu para reafirmar o seu “compromiso de seguir promovendo empresas dende as tres universidades e os centros de investigación galegos” sinalou o reitor Juan Viaño. “A nosa tarefa continúa coa mesma ilusión que hai tres lustros e reforzada pola experiencia adquirida”, engadiu.

Cabeceira do acto do quince aniversario de Unirisco.

Cabeceira do acto do quince aniversario de Unirisco.

Viaño destacou a natureza coa que xurdiu Unirisco en 2001 , “ promover a creación de empresas que aproveiten o coñecemento xerado pola Universidade, sempre baixo criterios de rendabilidade e creación de emprego cualificado e de calidade”. Como lembrou o reitor compostelán Unirisco é unha iniciativa que contou co impulso das tres universidades galegas, procurando complementarse e aumentar así as posibilidades da transferencia de tecnoloxía. A súa capacidade para transcender as fronteiras xeográficas da comunidade autónoma xunto ao interese por convertelo nun proxecto que fose referente no conxunto de España deu lugar, en outubro de 2005, á creación da xestora UNINVEST.

Como sinalou o director xeral de Unirisco e Uninvest, Martín Rivas, neste quince anos de vida, a sociedade financiou máis de 40 compañías de base científica ou tecnolóxica procedentes de centros de investigación universitarios, do CSIC e INIA. A carteira actual está formada por seis empresas galegas de gran proxección como son Nanogap, Situm, Galchimia, Appentra, Pharmatools e Centauri Biotech.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.