Reunión de traballo celebrada en Braga. Imaxe: ZFV.

Reunión de traballo celebrada en Braga. Imaxe: ZFV.

Galicia e Portugal impulsan un laboratorio transfronterizo de biotecnoloxía

Representantes da Zona Franca de Vigo, a Universidade do Minho e o Laboratorio Ibérico de Nanotecnoloxía reuníronse para lanzar o proxecto

A cidade de Braga acolleu este mércores unha xornada de reunións para impulsar o lanzamento do Clúster Transfronteirizo de Biotecnoloxía entre Galicia e Portugal. As representantes da Zona Franca de Vigo Teresa Pedrosa (delegada do Estado) e Rosa Eguizábal (directora de promoción económica) reuníronse con responsables do Laboratorio Ibérico de Nanotecnoloxía (INL), con sede na cidade lusa, e con investigadores do Departamento de Engenharia Biológica da Universidade do Minho.

Porto do Molle, en Nigrán, será un dos espazos de traballo do clúster

Este organismo especializado en biotecnoloxía contará cun orzamento de preto de dous millóns de euros, financiados en gran parte por fondos europeos no marco do programa Poctep (Programa de Cooperación Transfronteiriza España-Portugal). O obxectivo deste proxecto é promover a cooperación, a integración e a competitividade da Eurorrexión Galicia-Norte de Portugal para convertela nun polo de excelencia no sector da biotecnoloxía.

Do mesmo xeito que xa se traballa no INL, no clúster afondarase en liñas de investigación como vixilancia dos alimentos e o medio ambiente, TIC, enerxías renovables e saúde.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.