magallanes

Imaxe da peza, deseñada e construída dentro do Proxecto Magallanes.

Galicia conclúe unha peza de 15 toneladas para obter enerxía das mareas

O Proxecto Magallanes culmina o compoñente clave dun dos proxectos más avanzados do mundo en tecnoloxía flotante

O Proyecto Magallanes concluíu o desenvolvemento tecnolóxico do compoñente máis valioso e complexo do prototipo que servirá para obter enerxía das mareas. Trátase do centro da turbina, a buxa na que se ensamblarán as tres pas baixo o mar. O compoñente foi deseñado por Magallanes Renovables e a Universidade de Vigo, con achegas da enxeñaría especializada de Coterena, e implicou a achega tecnolóxica de 14 empresas de enxeñaría e provedores; pesa 15,5 toneladas, con 3,5 metros de longo. A tecnoloxía aplicada é de peso variable, para aproveitar as subas e baixadas das mareas, sendo a única peza destas características que permite mover o ángulo das pas 270 graos.

O proceso comezou hai oito anos e involucrou a máis de 40 investigadores

Proyecto Magallanes está a desenvolver e constrúe en Galicia un prototipo capaz de xerar enerxía a partir das correntes das mareas. Trátase do primeiro proxecto español desenvolvido a partir de tecnoloxía flotante e un dos que se encontra en máis avanzada fase de I+D+i do mundo. O proxecto foi concibido, producido e desenvolvido en Galicia, nun proceso de oito anos de investigación e probas no que participaron máis de 40 investigadores das tres universidades galegas e outros centros tecnolóxicos.

A montaxe da plataforma flotante realízase no Estaleiro Cardama de Vigo, nun proceso que consiste na ensamblaxe de máis de 300 pezas e compoñentes dun trimarán de 350 toneladas de peso, 42 metros de eslora, 19 metros de diámetro de rotores e 25 metros de calado. O prototipo Magallanes integra xeradores mareomotoras de 2MW de potencia.

MAGALLANESRENOVABLES002

Presentación onte da buxa.

Magallanes Renovables investiu case oito millóns de euros en I+D+i e prevé un investimento total de 13 millóns de euros ata chegar á fase de comercialización, no prazo dun ano.

Cada plataforma Magallanes ten capacidade de subministrar electricidade a uns 1.500 fogares, co que un parque Magallanes de 200 plataformas flotantes podería abastecer integramente a unha cidade do tamaño Vigo, Cádiz ou A Coruña.

O Proyecto Magallanes caracterízase pola súa sinxeleza e robustez, así como polos seus baixos custos de instalación e mantemento, tal e como xa foi testado no EMEC (Centro Europeo de Tecnoloxías Mariñas, nas súas siglas en inglés) co modelo Magallanes a escala 1/10.

A plataforma, que se monta en Cardama, permite mover as pas nun ángulo de 270 graos

O Proyecto Magallanes baséase en en producir e desenvolver en Galicia as plataformas que serán exportadas ás áreas con maior intensidade e velocidade das correntes mareais.

O conselleiro de Economía e Industria, Francisco Conde, visitou este venres as tarefas de ensamblaxe da buxa na planta de Coterena en Vigo, empresa especializada en enxeñaría de alto desenvolvemento tecnolóxico con ampla experiencia na industria naval.

Os desenvolvedores do prototipo consideran que o xerador vai conseguir unha penetración importante e subliñan que, pola súa singularidade e simplicidade, ten un gran potencial de implantación polo seu uso dunha enerxía que ata agora se utilizou moi pouco.

A nova peza requiriu deseños moi novidosos para permitir alcanzar as potencias e é pioneira pola marxe de movemento que ten, ao permitir mover o ángulo das pas 270 graos, respecto aos 90 habituais.

Tras a realización de probas con prototipos máis pequenos, o trimarán está agora en fase de montaxe e está previsto que se probe no EMEC de Escocia dende principios de 2016 e durante dous anos, o que permitirá coñecer a súa eficiencia, rendibilidade e necesidades de corrección.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.