Únete á nosa canle de Whatsapp
s xornadas formativas de verán Mulleres Universitarias e Empresarias celebraranse do 15 ao 17 de xuño co lema ‘Mulleres que coa ciencia crean empresas’. A USC e o Instituto da Muller e para a Igualdade de Oportunidades organizan este encontro de carácter gratuíto que debaterá sobre a relación entre ciencia, xénero e emprendemento universitario no marco do Convenio Innovaria 8.3.
Para facilitar a participación, o programa estrutúrase en tres xornadas que, aínda que relacionadas, poderán atenderse de forma independente. Neste senso, no formulario de inscrición poderá solicitarse reserva de prazas en todas as xornadas ou naqueles que susciten un interese concreto. A data límite para formalizar a inscrición remata o 5 de xuño.
No edificio Emprendia da USC, o programa de intervencións agrupa dous bloques que abordarán distintos puntos de vista implicados na temática da xornadas. Por unha banda participarán científicas que aludirán á igualdade e á transversalidade de xénero na investigación e como ten repercutido na definición dunha ciencia sesgada, para homes e mulleres. Por outra, partindo do sesgo androcéntrico do emprendemento, o programa proporá traballar obradoiros prácticos de creación de empresas que xorden do coñecemento, coa particularidade das spin-off académicas promovidas por mulleres.
Tamén se presentarán o proxecto EnRed 8.3, resultado á súa vez de Innovatia 8.3 e que avanza na etapa de desenvolvemento e consolidación das empresas de base tecnolóxica. Tamén terá cabida a presentación do programa específico de Amadrinamento no que mulleres expertas préstanse a facer labores de mentoring a Emprendedores Afilladas coa meta común de conseguir empresas de valor, responsables e consolidadas no tempo.
