Martes 19 Marzo 2024

Nace o proxecto Estrímnides sobre a presenza dos fenicios en Galicia

Durante o primeiro milenio a.C., os fenicios habitaban o noroeste da Península Ibérica, as actuais Galicia e zona norte de Portugal. Durante a súa estadía, mantiveron relacións comerciais cos pobos do sur de España e do Mediterráneo en xeral. Co fin de analizar as relacións comerciais entre os fenicios do norte da Península e os pobos do sur e do Mediterráneo en xeral, nace o Proxecto Estrímnides, que se presentará en Galicia a vindeira semana.

A civilización fenicio-púnica xurdiu da zona de Oriente Próximo e non tivo o protagonismo que en moitas ocasións mereceu, oculta baixo a grandeza de Grecia e de Roma. Foi esta civilización a que sucou o Mediterráneo en primeiro lugar e a que atracou en portos inhóspitos antes de que Roma empezase a ter o seu sitio na historia.

Publicidade

Os fenicios foron os principais comerciantes do mundo antigo

Como bos navegantes que eran, crearon grandes rutas marítimas que se converteron no principal medio de comunicación e intercambio de víveres e cultura de todo o Mediterráneo, e chegaron ata Galicia. Fundaron máis de 80 cidades e portos onde levaron os seus produtos e, máis profundamente, a súa cultura. Utilizaban materias primas, minerais e produtos manufacturados para situarse como os principais comerciantes do mundo antigo, inicialmente empregando cos pobos indíxenas o sistema do troque e posteriormente utilizando a moeda.

En Galicia consérvanse, ademais, importantes recordos da cultura fenicia coma por exemplo o altar púnico na punta Muíño do Vento en Alcabre, o santuario de Monte do Facho en Cangas, o castro da Lanzada ou as cerámicas e vidros localizadas en Monte do Castro en Ribadumia.

Os membros que conforman o equipo investigador do Proxecto Estrímnides pertencen á Universidade de Santiago de Compostela, Universidade de Sevilla e o Centro de Supercomputación de Galicia (CESGA) e está financiado polo Ministerio de Economía y Competitividade.

A semana que ven (do 13 ao 17 de xuño), os investigadores sevillanos realizaran a súa primeira estancia de traballo en Galicia. Realizarán unha serie de actividades que avancen no estudo dos materiais arqueolóxicos de procedencia mediterránea recuperados en castros galegos.

O proxecto presentarase no Museo do Mar de Vigo o próximo xoves

O programa de actividades inclúe a visita a arqueoteca da Universidade de Santiago de Compostela e o Museo do Mar, o Museo de Pontevedra e o Museo de San Antón en Coruña.

A semana culminara nunha reunión de traballo o xoves 16 que se celebrara no Museo do Mar no que se presentarán os obxectivos do proxecto á comunidade arqueolóxica galega. O programa contará coa intervención de: Josefa Rey Castiñeira e Javier Rodríguez Corral da Universidade de Santiago de Compostela, Emilio Abad do CESGA (Centro de supercomputación de Galicia) e Eduardo Ferrer Albelda, Francisco José García Fernández e Antonio Sáez Romero (Universidad de Sevilla) e o arqueólogo Juan Naveiro Lopéz.

1 comentario

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

▪️ Galicia vivirá unha primavera “máis cálida do normal”

Segundo a AEMET, as temperaturas invernais estiveron 1,8 graos por enriba da media habitual para esta época do ano

▪️ As medusas chegan para quedar: “Cada vez haberá máis en Galicia”

Nos últimos días apareceron varios exemplares que puideron ser arrastrados polo temporal marítimo

Unha masa de aire subtropical elevará os termómetros en Galicia ata os 21 graos. Canto vai durar?

A partir do xoves agárdase a entrada de novas borrascas atlánticas que deixarán precipitacións no oeste da comunidade

Un asteroide troiano de Xúpiter pasará polo ceo de Galicia

En Santiago de Compostela hai un 34 % de probabilidade de observar a ocultación dunha estrela