Doña Angelita, homenaxeada nunha reportaxe no británico The Guardian.

Doña Angelita, homenaxeada nunha reportaxe no británico The Guardian.

The Guardian dedica unha reportaxe a Doña Angelita e o seu libro electrónico

O diario británico louva a inventiva da mestra ferrolá como anticipadora dunha nova tecnoloxía e unha nova educación

Doña Angelita, a mestra ferrolá que inventou o ‘e-book’ mecánico, acumula recoñecementos, tamén internacionais. Agora é o xornal británico The Guardian o que lle dedica unha reportaxe especial, co gallo de que o Concello de Madrid teña decidido dedicarlle unha rúa ao seu nome.

The Guardian louva que Ángela Ruiz Robles inventou ‘un enxeñoso precursor mecánico para os libros electrónicos de hoxe” e salienta que era “unha apaixoada e innovadora mestra de Galicia, que ideou un xeito de ampliar o coñecemento dos seus alumnos e alixeirar a súa carga de libros”.

“A súa enciclopedia mecánica – patente española número 190.698 – era una caixa de metal de cor verde pastel chea de carretes, innovación e entusiasmo pedagóxico”, escribe o xornalista de The Guardian, que destaca como Doña Angelita pensou en todo, dotando ao trebello duha pantalla de lupa e unha luz para poder ler na escuridade.

guardian angelita

Por desgraza, a profesora non atopou financiamento para o seu invento. E The Guardian recorda que a Enciclopedia Mecánica de Doña Angelita atópase agora en exposición no Museo Nacional de Ciencia e Tecnoloxía (MUNCYT) na Coruña.

A homenaxe de The Guardian non é a primeira internacional que recibe Doña Angelita, xa que, o 28 de marzo de 2016, a que sería a data do seu 121 aniversario, foi obxecto dun Doodle de Google. Agora, o Concello de Madrid tamén rende homenaxe a este profesora e inventora dedicándolle unha rúa na capital de España.

E aquí podes ler a nosa reportaxe sobre Doña Angelita e a súa enciclopedia:

Doña Angelita, a ferrolá que inventou o libro electrónico

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.