O reitor Juan Viaño e a vicerreitora Dolores Álvarez presentaron o programa.

O reitor Juan Viaño e a vicerreitora Dolores Álvarez presentaron o programa.

A USC lanza o programa Mentoring para o emprego

Directivos e profesionais orientarán aos estudantes para desenvolver a súa futura carreira profesional

Mentoring é un novo proxecto da USC para poñer en contacto a estudantado de máster, graduados/as ou alumnado de último ano de grao con directivos de empresas e profesionais co fin de que estes últimos poidan orientalos e apoialos na busca de emprego e no desenvolvemento da súa carreira profesional. Este é un proxecto que se atopa actualmente en fase de desenvolvemento, coa captación de posibles mentores, e que en semanas próximas se abrirá á comunidade universitaria interesada.

Universitarios nunha clase da USC.

Universitarios nunha clase da USC.

As principais características desta nova iniciativa da USC presentáronas aos medios de comunicación o reitor Juan Viaño, e a vicerreitora de Estudantes, Cultura e Responsabilidade Social, Dolores Álvarez Pérez. A nova proposta da USC busca reducir a incerteza do alumnado que rematou ou está a piques de rematar a súa etapa universitaria e carece de referencias previas para orientarse axeitadamente o seu perfil ao mercado laboral. Para logralo estase a procurar o apoio de empresarios/as, directivos/as e emprendedores/as que sumándose a esta iniciativa exercerán de “guía, canalizadores de contactos e conselleiros”, como explicou Dolores Álvarez quen lembrou que xa se incorporaran á iniciativa vinte profesionais de diferentes ámbitos empresariais.

O novo programa permite ademais completar un círculo que se inicia nas aulas, onde “a universidade prepara, forma, promove habilidade e competencias” e ás que este novo programa xunta agora a aplicación práctica ao promover o contacto co mundo laboral, engadiu o reitor Juan Viaño. Poderá ser mentor ou mentora calquera directivo, profesional ou emprendedor con preparación que estea disposto a dedicar unha parte do seu tempo a escoitar as inquedanzas dos estudantes, compartir coñecementos e experiencias e aconsellar ás persoas ‘mentorizadas’. Ademais, a empresa ou organización á que pertenza o mentor/a visibilizarase na web da USC e acreditarase como “empresa colaboradora” da Universidade de Santiago.

Os alumnos con necesidades especiais teñen ao seu dispor o ‘Metoring Inclusivo’

O mentor ou mentora comprométese a asistir á sesión de presentación do proxecto e á sesión de clausura do programa, na que os/as participantes compartirán os seus resultados e experiencias. Ademais manterán un mínimo de catro reunións coas persoas ‘mentorizadas’ no seu lugar de traballo ou por medios telemáticos durante os catro meses posteriores á presentación.

Poderán solicitar a participación neste programa o estudantado de máster ou de último ano de grao e graduados que queiran contactar cun/ha profesional ou emprendedor/a para que lles axude alcanzar un mellor aproveitamento do seu potencial e facilitar o acceso a recursos profesionais apropiados. Na selección do estudantado priorizaranse aqueles alumnos/as con mellor expediente e moi especialmente os/as que estudan con bolsa. A cada estudante seleccinado/a asignaráselle un mentor ou mentora que teña un perfil académico ou profesional apropiado para que o acompañe e guíe durante catro meses.

O alumnado deberá asistir ás sesións presenciais de presentación e clausura do proxecto, tomar a iniciativa para contactar co mentor/a e con el/a planificar os obxectivos deste período e finalmente valorar o desenvolvemento do programa e os resultados obtidos. En próximas semanas está previsto que este programa xeral se complemente cunha convocatoria especial para alumnado con necesidades especiais. Coñecerase co nome de Mentoring Inclusivo.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.