V774104-el-objeto-mas-lejano-observado-en-el-sistema-solar_image640_

Un novo planeta anano no Sistema Solar

V774104-el-objeto-mas-lejano-observado-en-el-sistema-solar_image640_

Os astrónomos descubriron o obxecto máis distante atopado ata agora no noso sistema solar. Chámase V774104 e localizouse a 15.400 millóns de quilómetros do Sol, unhas tres veces máis lonxe que Plutón. Cos datos actuais parece tratarse doutro planeta anano (ilustrado abaixo), cun diámetro de entre 500 e 1.000 quilómetros.

A frecha sinala o novo planetoide.

A frecha sinala o novo planetoide.

Levará polo menos un ano ata que os científicos poidan precisar a órbita deste misterioso mundo, que podería formar parte dunha familia emerxente de obxectos extremos do sistema solar, con órbitas estrañas que suxiren a posible influencia de estrelas próximas ou de planetas descoñecidos. Investigadores españois tamén publicaron este ano estudos sobre obxectos transneptunianos que suxiren que hai máis planetas no sistema solar.

“Non podemos explicar as órbitas desta clase de obxectos a partir do que coñecemos hoxe do noso sistema solar”, comentou Scott Sheppard, astrónomo da Institución Carnegie para a Ciencia en Washington (Estados Unidos), quen anunciou o achado durante a reunión da Sociedade Astronómica Americana celebrada este mes na capital estadounidense.

O descubrimento realizouse en outubro co telescopio xaponés Subaru, situado en Hawaii, ao detectarse un novo punto luminoso (indicado coa frecha) nun ceo estrelado. Segundo sexa a súa órbita, V774104 podería pertencer a dous grupos. Se o seu percorrido aproxímalle nalgún momento ao Sol, podería formar parte da poboación máis común de obxectos xeados afectados pola gravidade de Neptuno. Pero se a súa órbita non o trae preto da nosa estrela, entón podería unirse ao exclusivo club formado por dous estraños mundos: Sedna e VP113.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.