A tumba de Tutankamón.

A tumba de Tutankamón.

A tumba de Nefertiti non está xunto a Tutankamón

Unha investigación con radar revela o embuste que pretendía ser a noticia do século en arqueoloxía

A tumba de Tutankamón.

A tumba de Tutankamón.

A noticia do século non durou nin tres anos. E non se derrubarán muros na tumba do antigo faraón exipcio Tutankamón. Despois de realizar unha investigación exhaustiva, o Ministerio de Antigüidades de Exipto declara definitivamente que non contén cámaras secretas e que aí non pode estar a tumba da raíña Nefertiti.

Nofretete_Neues_Museum

A idea de que a tumba de 3.300 anos albergaba unha cámara secreta espertou moito entusiasmo no 2015 . O exiptólogo Nicholas Reeves da Universidade de Arizona anunciara que as características na parede da cámara na que o faraón estaba enterrado mostraban evidencia do que noutros tempos foi unha porta. E o Goberno exipcio apresurouse en falar da tumba de Nefertiti, a esposa de Akenatón, toda unha icona mundial polo fermoso busto policromado que se conserva en Berlín.

As exploracións realizadas polo especialista en radar xaponés Hirokatsu Watanabe a comezos de 2016 parecían confirmar isto .E o ministro de antigüidades, Mamdouh Eldamaty, dixo no seu momento : “Podemos dicir con máis do 90 por cento de probabilidad que as cámaras están alí”.

Todos esperaban que a cámara fose a tumba da madrastra de Tutankamón, Nefertiti. Segundo Reeves, a tumba de Tutankamón puido ser orixinalmente construída para a raíña, que morreu en 1330 a.C. A teoría apuntaba a que, cando o novo faraón morreu inesperadamente en 1323 a. C., á idade de 19 anos, é posible, dixo Reeves , que a tumba fose requisada para o seu enterro, e o corpo de Nefertiti pasase a unha cámara que logo foi cuberta.

A teoría, a auténtica nova do século, soaba moi ben aos arqueólogos. Pero a realidade é distinta. Outro equipo realizou un segundo conxunto de escaneos en 2016, e non puido replicar os resultados do primeiro radar. Ademais, o xaponés Watanabe personalizou o seu equipo a tal grao que ninguén máis podía interpretar os seus datos.

E chegou finalmente o terceiro conxunto de escaneos, dirixido polo arqueólogo Francesco Porcelli da Universidade Politécnica de Turín. Cun novo radar moito máis avanzado, e cun traballo máis exhaustivo, na tumba de Tutankamón non atoparon ningunha porta, fenda ou cámara oculta. E o propio goberno exipcio vén de recoñecer que o seu entusiasmo foi demasiado forzado, nun momento no que o país estaba a vivir unha crise turística.

Así que quedamos sen noticia do século. A tumba de Nefertiti seguirá a ser un misterio.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.