Vista de Marte, coa estela da Vía Láctea e o Sol ao fondo. Imaxe: Google Maps.

Vista de Marte, coa estela da Vía Láctea e o Sol ao fondo. Imaxe: Google Maps.

Navegar polo Sistema Solar desde casa xa é posible

Google Maps xa dispón de 12 mapas completos cos cráteres, montañas, chairas e depresións de varios planetas e satélites

Vista de Marte, coa estela da Vía Láctea e o Sol ao fondo. Imaxe: Google Maps.

Vista de Marte, coa estela da Vía Láctea e o Sol ao fondo. Imaxe: Google Maps.

É posible saír a dar un paseo polo Sistema Solar desde a casa. A través da ferramenta Google Maps, o xigante de Internet puxo a disposición dos usuarios novos mapas dos astros que xiran arredor do Sol, ata alcanzar un total de 12 corpos. Entre eles, por certo, está o cráter que Rosalía de Castro ten en Venus.

Así, na sección satélite 3D de Google Maps, á que se pode acceder nesta ligazón, pódese navegar, ademais da Terra, polos planetas de Mercurio, Venus e Marte, así como os satélites de Ío, Europa e Ganímedes (que orbitan arredor de Xúpiter), Mimas, Encélado, Dione, Rea, Titán e Iapeto (Saturno) e os planetas ananos de Ceres e Plutón.

Os usuarios poden, deste xeito, achegarse e alonxarse a través da superficie dos astros do Sistema Solar, vendo, con cadanseu nome, os diversos accidentes xeográficos, como cráteres, cordilleiras, chairas ou depresións.

Datos da NASA e a ESA

O proxecto de Google, que conta coa colaboración da NASA e a ESA, tomou os datos da sonda Cassini, que hai apenas un mes rematou a súa misión en Saturno, para elaborar o mapa de Encélado. Para as imaxes doutros satélites, como Europa, Ganímedes, Rea e Mimas, utilizáronse as reconstruccións en 3D elaboradas polo artista astronómico Björn Jónsson a partir de imaxes da NASA e a ESA.

Desde 2014, xa era posible observar os mapas da Lúa e de Marte nesta aplicación. Ademais, desde xullo deste mesmo ano, incorporouse a opción de percorrer as instalacións da Estación Espacial Internacional.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.