Únete á nosa canle de Whatsapp
O cabo Vilán, na Costa da Morte, volve ofrecer fermosas imaxes para os amantes da astrofotografía. Un lugar de premio, no que Daniel Llamas ou Daniel Lois xa conseguiran imaxes recoñecidas a nivel internacional. Agora, foi o raio verde captado polo astrofotógrafo Óscar Blanco o que deixa unha nova fotografía de gran beleza.
“Foi o domingo pasado – conta Óscar -; fun cun amigo a fotografar a posta de sol e puxémonos no camiño que vai cara o Cemiterio dos Ingleses“, á altura das praias de Reira. En principio, sinala Blanco, non tiña pensado captar o raio verde, pero a atmosfera estaba limpa e a posta de sol cadraba perfectamente entre as rochas do cabo e o illote de Vilán de Fóra.
E o raio verde apareceu. “É máis frecuente do que parece; o difícil é ‘cazalo'”, explica Óscar, que xa ten retratado este mesmo fenómeno na Coruña. A través da súa conta de Facebook e no Instagram, Óscar adoita publicar as súas mellores imaxes. Leva xa 25 anos dedicándose á astrofotografía.
Bonitas fotos !!