Únete á nosa canle de Whatsapp
É unha pequena cala na Costa da Morte, pero corusca coa maxia de milleiros de cores. Porque a Praia dos Cristais, situada no termo municipal de Laxe, debe a súa denominación popular ao feito de estar chea de pequenos anacos de cristal, que fan que apareza cunha area multicolor. O vidro tirábase preto da praia e a erosión encargouse de desgastalo e acumulalo neste recuncho entre as rochas que hoxe se ten convertido nun atractivo turístico.
A praia conta cun pequeno varadoiro e un palco de pedra onde se fan actividades culturiais como un solpor poético e onde se teñen organizado actos durante a campaña ‘Nunca Máis‘. Tamén nesta cala dos cristais rodáronse secuencias da serie ‘Mareas vivas‘, da Televisión de Galicia.
En Asturias hai outras dúas praias dos cristais, situadas en Luanco e Astromero, aínda que neste último municipio teñen desaparecido nos últimos anos.
Mal nome para unha praia botellón formada por anacos de vidro. Transmitir un nome errado non contribue a nada bon.