potw1503a

Posta de Sol e posta de Lúa

potw1503a

Esta rechamante nova imaxe mostra o Observatorio Paranal do European Southern Observatory (ESO), en Chile, pouco despois do atardecer. Os últimos raios do día crean unha espectacular néboa laranxa ao pasar a través dos poeirentos niveis inferiores da atmosfera, ofrecendo un escenario perfecto para esta foto. Nesta imaxe de longa exposición podemos ver os rastros deixados polo movemento das estrelas a medida que a Terra xira. Estas pistas parécense un pouco a liñas punteadas, un efecto causado pola combinación dunha serie de fotos individuais tomadas con intervalos curtos de tempo. A torsión na parte inferior dos rastros das estrelas débese a un movemento da cámara. O camiño da media Lúa tamén pode verse cara á parte inferior esquerda da imaxe, a medida que se move lentamente, dando a impresión de afundirse no océano Pacífico. A Lúa non ten rastro, xa que foi captada cunha serie de exposicións moi curtas. No centro da imaxe pode verse un meteorito como unha raia vertical, e as luces parpadeantes de varios avións nun movemento horizontal a través do ceo listado. Esta imaxe foi tomada polo fotógrafo embaixador de ESO Gabriel Brammerp xusto tras a posta de sol o 5 de xaneiro de 2011. Por aquel entón, Gabriel traballaba como astrónomo no Observatorio La Silla-Paranal, pero actualmente é astrónomo de soporte do telescopio espacial Hubble no Space Telescope Science Institute en Maryland, Estados Unidos. Esta imaxe, publicada hoxe polo ESO, foi unha das primeiras fotos nocturnas de Brammer de Paranal, e segue sendo unha das súas favoritas.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.