Acto de entrega da Medalla da Cidade e dos Vigueses Distinguidos.

Acto de entrega da Medalla da Cidade e dos Vigueses Distinguidos.

Medalla para o Centro Oceanográfico de Vigo no seu centenario

O Concello de Vigo premia ao instituto de investigación na gala da Reconquista

Acto de entrega da Medalla da Cidade e dos Vigueses Distinguidos.

Acto de entrega da Medalla da Cidade e dos Vigueses Distinguidos.

Vigo celebrou a entrega dos premios Vigueses Distinguidos e da Medalla da Cidade, que cada ano recoñecen a persoas e institucións destacadas, con motivo da celebración da festa da Reconquista. E no 2017, o máximo galardón foi para o Centro Oceanográfico de Vigo, que cumpre un século na cidade, e que recibiu o recoñecemento nun acto no Teatro Afundación, ao que asistiu a directora do Centro Oceanográfico de Vigo, Victoria Besada, xunto a investigadores e técnicos da institución que quixeron compartir o galardón.

Besada, en primeiro lugar, destacou a honra que supón “tanto como directora do Centro como viguesa de nacemento, recoller esta medalla en nome de todos os traballadores actuais e todos os que ao longo destes cen anos traballaron na institución”. Por outra banda, a directora resaltou “a vocación de apoio á sociedade que sempre tivo o Centro Oceanográfico de Vigo ao longo da súa historia, que orientou as súas estudos aos problemas dos principais sectores produtivos, por exemplo o pesqueiro”. Para rematar, Besada agradeceu a todo o persoal do Centro o seu traballo. A Medalla da Cidade entregouse por unanimidade “en agradecemento aos 100 anos de traballo da institución defendendo a xusta causa da ecoloxía, o medio ambiente e a defensa e coñecemento dos océanos”. A Corporación Municipal de Vigo destacou tamén o papel do IEO “na resolución de retos en investigación, desenvolvemento e consello científico dirixidos a dar resposta aos requirimentos e tamén retos sectoriais en materia de medio ambiente, pesca, acuicultura e calidade dos produtos alimenticios de orixe mariña”.

O Centro Oceanográfico de Vigo xa fora elixido en 2007 entre os premiados como Vigueses Distinguidos e 10 anos despois volve ser recoñecido pola cidade.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.