Deseño da cervexa de Estrella Galicia con sabor a percebe. Fonte: Estrella Galicia.

Deseño da cervexa de Estrella Galicia con sabor a percebe. Fonte: Estrella Galicia.

Unha cervexa con sabor a percebe

Estrella Galicia presentou en Corme a súa nova receita, que incorpora na súa fabricación este marisco e algas

Deseño da cervexa de Estrella Galicia con sabor a percebe. Fonte: Estrella Galicia.

Deseño da cervexa de Estrella Galicia con sabor a percebe. Fonte: Estrella Galicia.

A marca Estrella Galicia presentou esta mañá en Corme, na Costa da Morte, a súa cervexa con sabor a percebe. O produto deuse a coñecer nun acto conducido polo humorista e actor Xosé Antonio Touriñán, no que se explicaron algunhas das propiedades desta nova bebida, desenvolvida polo departamento de innovación da cervexeira. No ano pasado, a empresa xa lanzara unha bebida con sabor a pementos de Padrón e outra de cabaza, para celebrar o Samaín.

O produto con sabor a percebe xa está á venda a través da web da empresa. Véndese en caixas de seis botellas, de 50 centilitros cada unha, a un prezo conxunto de 19,99 euros.

Segundo explica o fabricante, “as materias primas responsables do carácter mariño e iodado da cervexa engádense en diferentes etapas da súa elaboración. Os percebes de Corme, frescos e enteiros, incorpóranse durante a fervedura do mosto cervexeiro, achegando así todos os seus aromas e sabores”. Durante a maduración, entra en xogo o ramallo de mar, unha alga producida pola empresa Portomuíños, que se mestura mediante técnicas de secado e infusionado.

Para acadar o produto que sae á venda, os expertos cervexeiros sinalaron que se realizaron numerosas probas. Na maridaxe, a marca recomenda probar a cervexa xunto mariscos e peixes, o propio percebe con cachelos, a ensaladas que empreguen as algas como base ou o sushi.

 

 

 

 

 

 

 

 

 

 

 

 

 

 

 

 

 

 

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.