Os paneis fotográficos coa figura de Concepción Arenal cubrirán a estatua de Montero Ríos durante todo o mes de marzo. Imaxe: USC.

Os paneis fotográficos coa figura de Concepción Arenal cubrirán a estatua de Montero Ríos durante todo o mes de marzo. Imaxe: USC.

Concepción Arenal substitúe a Montero Ríos en Mazarelos durante este mes

A Comisión de Igualdade da Facultade de Filosofía da USC impulsou a iniciativa, enmarcada nos actos do Día da Muller

Os paneis fotográficos coa figura de Concepción Arenal cubrirán a estatua de Montero Ríos durante todo o mes de marzo. Imaxe: USC.

Os paneis fotográficos coa figura de Concepción Arenal cubrirán a estatua de Montero Ríos durante todo o mes de marzo. Imaxe: USC.

Captura de pantalla 2018-03-02 12.56.41

Desde esta mañá, e ata final do mes de marzo, a figura de Concepción Arenal substituirá na Praza de Mazarelos á imaxe de Eugenio Montero Ríos. A actuación, que consta dunha instalación con paneis fotográficos, está impulsada pola Comisión de Igualdade da Facultade de Filosofía da USC.

Esta mañá celebrouse o acto de inauguración desta instalación. Acudiron, amais dun numeroso grupo de estudantes, o decano da Facultade de Filosofía, José Miguel Sagüillo; a vicedecana da Facultade de Filosofía, Nieves Herrero; a coordinadora da Comisión de Igualdade da Facultade de Filosofía, María Xosé Agra; e a coordinadora da Oficina de Igualdade de Xénero da USC, Eva Aguayo; e a concelleira de Igualdade de Santiago, Marta Lois.

O alumnado de Filosofía constatou a escasa presenza nos espazos públicos das cidades galegas

A idea xorde dunha serie de traballos realizados ao longo do curso polo alumnado de Filosofía, no que se constatou a escasa presenza de mulleres en lugares recoñecidos dos espazos das urbes galegas, “e máis aínda, de mulleres asociadas ao coñecemento”, segundo explicou a vicedecana da Facultade, Mª Nieves Herrero Pérez.

A catedrática María Xosé Agra explicou a elección de Concepción Arenal por representar “a forza dunha muller intelectual, cunha obra recoñecida internacionalmente, precursora do feminismo e que mesmo tivo que disfrazarse de home para estudar a carreira de Dereito”. “A historia intelectual das mulleres non está presente, non é recoñecida, e iso que compartimos todas xa o denunciaba Concepción Arenal na súa época”, dixo Agra.

“É un acto de reivindicación de espazos de recoñecemento de mulleres insignes”, manifestou a responsable da Oficina de Igualdade de Xénero da USC, Eva Aguayo. Pola súa banda, a concelleira Marta Lois amosou a  “satisfacción que sentimos dende o Concello pudendo acompañar unha iniciativa que encaixa coa visión de construír a Compostela que é territorio de mulleres”.

Concepción Arenal, licenciouse en Dereito pola Universidade Central de Madrid, a onde tivo que acudir con identidade falsa e vestida con roupas de home. Exerceu tamén como xornalista e escritora, e foi pioneira do feminismo e na denuncia social, en asuntos como a situación das prisións de mulleres, a miseria nas casas de saúde ou a condición da muller no século XIX. Nalgunha das súas obras, como La mujer del porvenir, critica as teorías que defendían a inferioridade das mulleres baseada en razóns biolóxicas, e tamén defendeu o acceso das mulleres a todos os niveis educativos.

Tamén podes ler:

Unha galega universal: Concepción Arenal

 

 

 

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.