Balea azul avistada o 31 de outubro. Foto: BDRI.

Balea azul avistada o 31 de outubro. Foto: BDRI.

Avistan unha quinta balea azul en augas entre Sálvora e Carnota

Un total de sesenta baleas foron vistas na costa galega no último mes e medio polo BDRI

Foto: BDRI.

Foto: BDRI.

Galicia semella converterse nun santuario para as baleas, cun nivel de avistamento nunca visto nas últimas décadas. O Instituto para o Estudo dos Arroazes (BDRI, Bottlenose Dolphin Research Institute) confirmou que nas 11 saídas de avistamento realizadas en setembro e outubro localizaron sesenta baleas de varias especies, cinco delas azuis.

A última das baleas azuis localizadas foi atopada este mércores 1 de novembro, en augas entre a illa de Sálvora e Carnota. Trátase da quinta localizada en Galicia nos últimos meses, nun fenómeno que sorprende por que non era unha especie que se atopase nestas latitudes.

Con toda a información recollida, a CEMMA (Coordinadora para o Estudo dos Mamíferos Mariños) enviou a documentación dispoñible ao banco atlántico de baleas azuis, na illa de Mingan (Canadá). Alí recollen os rexistros dos rorcuais avistados neste océano. Hai actualmente máis de 740 baleas azuis identificadas individualmente.

Grazas a este rexistro, é posible facer un seguimento destes mamíferos ao longo do océano. Desde a Cemma destacan o exemplo dunha balea retratada no 2014 nas Azores, que fora fotografada 30 anos antes. Por este motivo, a coordinadora insiste na necesidade de tomar testemuño gráfico dos avistamentos.

Nesta labor, dende logo ten gran importancia o BDRI, organización con base no Grove que este verán está a captar fotos e vídeos espectaculares das baleas azuis e doutros mamíferos mariños que visitan as nosas costas.

Foto: BDRI.

Foto: BDRI.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.