Un axente da Garda Civil co protocolo NRBQ achégase ao obxecto.

Un axente da Garda Civil co protocolo NRBQ achégase ao obxecto.

A cousa que caeu nunha leira dende o espazo

Un axente da Garda Civil co protocolo NRBQ achégase ao obxecto.

Un axente da Garda Civil co protocolo NRBQ achégase ao obxecto.

É lixo e non un meteorito chegado do espazo exterior. Pero sorprendeu este mércores aos habitantes da localidade murciana de Calasparra, onde dous pastores, os irmáns Francisco e Juan Espín, viron caer do ceo unha bola de lume que provocou un cráter nunha leira. No medio da herba había un obxecto esférico, de cor negra, que botaba fume. Alarmados, chamaron a Garda Civil.

Un garda civil recolle o bólido que chegou dende o espazo ata Calasparra.

Un garda civil recolle o bólido que chegou dende o espazo ata Calasparra.

Efectivos da Benemérita desprazáronse ao lugar e verificaron que se trataba dun obxecto esférico, dun metro de diámetro e envolto por algún tipo de material illante de cor negra. Á vista da tipoloxía do obxecto, e coa finalidade de establecer o correspondente perímetro de seguridade, a Garda Civil activou de inmediato o protocolo NRBQ (nuclear, radiolóxico, bacteriolóxico e químico) para asegurar o presunto meteorito e garantir a seguridade cidadá mentres investigaban.

Especialistas do Grupo de Desactivación de Artefactos Explosivos (GEDEX) desprazáronse ao lugar onde, tras un primeiro exame, descartaron a presenza de sustancias ou elementos que puidesen constituír un artefacto explosivo. Finalmente, o misterio quedou resolto. Era un trozo de lixo espacial, que se precipitou á Terra tras estar en órbita. As pescudas practicadas e a información obtida sobre obxectos de similares características caídos noutros puntos do planeta conclúen que puidese tratarse dun depósito auxiliar de combustible dun foguete espacial.

Semella que en Australia e Brasil xa teñen caído obxectos de similares características. Ademais do susto, a sorte foi que non caíse nunha zona habitada, o cal estatísticamente non é moi probable no planeta Terra, pero pode acontecer.

Quedou resolto o misterio da cousa que caeu nunha leira dende o espazo.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.