Libros de texto de Xerais e Baía Edicións que inclúen reportaxes de GCiencia.

Libros de texto de Xerais e Baía Edicións que inclúen reportaxes de GCiencia.

As reportaxes de GCiencia entran nos libros de texto de secundaria

Editoriais como Xerais e Baía Edicións empregan contidos de GCiencia en materias como Lingua e Literatura Galega

GCiencia xa está nos libros de texto. As reportaxes do Portal da Ciencia Galega aparecen como material didáctico nos manuais de editoriais como Baía Edicións e Edicións Xerais de Galicia, dirixidos ao alumnado de secundaria. Estes contidos, que GCiencia cede libremente ás editoriais polo seu interese educativo, aparecen en libros de materias como Lingua e Literatura Galega, ás veces no apartado de lecturas e outras como reforzo de materias básicas da Lomce en eidos como a lingüista, matemática, tecnolóxica, social e cidadá…

baía edicións lingua e literatura

En Edicións Xerais, podemos atopar textos de GCiencia no manual de ‘Lingua e Literatura’ de segundo curso da ESO, que abre cunha reportaxe titulada ‘Cando o tigre campaba por Galicia‘, na que analizamos a figura do lince boreal (coñecido en Galicia ás veces como lobo cerval ou tigre), que habitou o país ata data recente, segundo os últimos estudos científicos.

En Baía Edicións, atopamos as reportaxes de GCiencia, convertidas en contidos educativos, nos manuais de segundo e de terceiro curso da ESO, con reportaxes como ‘Os beneficios da dieta atlántica‘, ‘Peinador, unha moeda galega de antes do euro‘, ‘Einstein e Hitler, o bo e o mao da historia universal‘ ou ‘Un estudo encontra hórreos galegos en Australia e Nova Zelandia‘. Nestes libros escolares atopamos tamén novas de GCiencia do día a día, como a que relata as especulacións sobre un planeta extrasolar que podería acoller vida extraterrestre.

GCiencia, que esta semana cumpre 4 anos, sempre como xornal dixital diario, é un medio de comunicación xeralista, para todos os públicos e con todo tipo de temas, que aborda dende unha perspectiva científica. Os nosos contidos abranguen todos os eidos: saúde, medio ambiente, historia, sociedade, tecnoloxía, economía, mar, agro… pero tratados con datos científicos. Por iso ten un público amplo, que abrangue todo o abano social, aínda que unha parte importante dos seus lectores están relacionados co mundo educativo. E non só nas universidades e os centros de investigación, senón tamén nos colexios e institutos, mantendo sempre a colaboración e unha interacción cos alumnos e profesores de primaria e secundaria de Galicia.

lingua e literatura

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.