Venres 29 Marzo 2024

A Xunta anuncia o maior investimento “da súa historia” en I+D+i

Semanas despois da retirada do decreto do persoal laboral investigador, que xerou un importante malestar no sector, a Xunta de Galicia acaba de anunciar un investimento de case 25 millóns de euros para grupos de investigación galegos ata o ano 2020. É, segundo sinalan, “a maior contía da súa historia“. Os cartos sairán da Consellería de Cultura, Educación e Ordenación Universitaria, en colaboración coa Axencia Galega de Innovación (Gain).

Poderán optar á convocatoria, que xa se pode consultar na páxina web de dita consellería e será publicada nas vindeiras semanas no DOG, o persoal investigador do Sistema Universitario Galego, os organismos públicos de investigación, as fundacións de investigación sanitaria e os centros do CSIC e o IEO que traballan en Galicia.

Publicidade

Segundo a Xunta, o obxectivo desta liña de axudas é “seguir construíndo un sistema de I+D+i galego forte, estruturado e que camiñe cara os estándares de excelencia e de competitividade no eido internacional”.

O programa vai estar estruturado en catro modalidades: grupos de referencia competitiva (que recibirán preto de 16 millóns de euros) grupos con potencial de crecemento (5,7 millóns), redes de investigación (1,44 millóns) e proxectos de excelencia (1,7 millóns).

A orde completa pode consultarse neste enlace.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Convocado o IX Premio de Xornalismo Científico Celia Brañas

Os traballos poden enviarse a partir do 15 de abril. A dotación económica do galardón será de 5.000 euros, cun accésit para o segundo mellor valorado

Galicia notifica 10 mortes ao día por consumo de tabaco

A investigadora da USC Julia Rey Brandariz constata na súa tese que a comunidade galega é a duodécima que máis falecementos rexistra por esta substancia

O aire en Europa é o máis seco dos últimos 400 anos

Unha investigación demostra que, desde principios do século XXI, se está a producir un desecamento xeralizado debido á actividade humana

Identificada unha proteína esencial na regulación da obesidade

Un estudo do CSIC descobre que Dido1 ten unha función clave no desenvolvemento do tecido adiposo