Vista da Facultade de Física da USC. Foto: USC.

Vista da Facultade de Física da USC. Foto: USC.

A USC, ‘diploma olímpico’ nas Olimpiadas mundiais de Física Teórica

Os "Gravitones Galaicos" superaron na clasificación a equipos de Oxford, o MIT, Brown, Rutgers ou a Universidade de Tokio

Co nome de “Gravitones Galaicos“, catro graduados de Física pola USC participaron na Olimpiada internacional de Física Teórica, na que competiron estudantes dos centros máis prestixiosos do mundo, como Cambridge, Oxford, o MIT. Nun prazo de 24 horas, os concursantes debían resolver seis complicados problemas.

O equipo, dirixido polo profesor de Fïsica José Edelstein, foi o único español participante no certame, e superou a proba con nota, obtendo un meritorio oitavo posto, o equivalente a un ‘diploma olímpico’. Quedaron por riba, entre outros, de equipos formados por estudantes do MIT, Oxford, Brown ou Tokio.

Animados por Edelstein, os estudantes, David Peinador, David Vázquez, Martín Enríquez e David Travieso aceptaron o desafío xusto despois de rematar os exames de xaneiro. Agora, os catro continúan a súa formación con estudos de posgrao. Peinador está en Cambridge, Enríquez e Travieso en Munich, e Vázquez continúa na USC. “É algo que non acabas de crer“, sinala Peinador. “Por iso nos presentamos, era unha boa oportunidade para comprobalo e, se cadra, gañar a algún equipo do MIT, algo que finalmente fixemos”.

“A idea de enfrontarnos a problemas complexos de física, fóra dos típicos estándares das materias do grao, é un reto en si mesmo excitante”, engade David Vázquez. “Estamos acostumados a atacar os problemas individualmente esquecendo un pouco que a ciencia é unha cuestión colectiva”, apunta.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.