1024px-Solar_sys

Un de cada dez galegos non sabe que a Terra xira arredor do Sol

A enquisa da FECYT revela tamén que máis da metade dos galegos non sabe para que sirven os antibióticos

Moitos séculos despois de Galileo, Copérnico ou Giordano Bruno, hai galegos que non saben que a Terra xira arredor do Sol. Así o demostra o estudo realizado pola Fundación Española da Ciencia e Tecnoloxía (FECYT), que inclúe unha enquisa sobre os coñecementos científicos dos cidadáns.

Aínda que unha gran maioría (89,1%) dos galegos consideraron correcta a afirmación ‘A Terra xira arredor do Sol‘, un 10,9% dos enquisados calificaron a frase de falsa. Os datos de Galicia sitúanse por baixo da media, aínda que non chegan aos de Canarias, no furgón de cola, onde só acertaron o 80,1%.

O peor resultado para Galicia está no coñecemento dos antibióticos. Só o 42,8 por cento dos enquisados souberon para que sirven. A maioría cren que actúan tanto sobre bacterias como sobre virus, cando a realidade é que só son eficaces contra as primeiras. Este é o peor resultado entre todas as comunidades do Estado.

Tampouco na deriva dos continentes e na tectónica de placas andan moi acertados os galegos. Un de cada catro enquisados cre que os continentes non se moven. Ademais, 1 de cada 4 galegos pensa erróneamente que os primeiros seres humanos conviviron cos dinosauros.

enquisa fecyt

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.