Venres 29 Marzo 2024

Terremoto de magnitude 3 en Oleiros

O Instituto Geográfico Nacional (IGN) notificou hoxe a través da súa rede de control sísmico un terremoto de magnitude tres con epicentro no municipio de Oleiros, entre as localidades de Mera e Lorbé. O sismo rexistrouse ás 16.06 horas e tivo o seu hipocentro a 11 quilómetros de profundidade.

Foi sentido tamén nas localidades próximas. En Eirís, na Coruña, Noela Rey, conta que “a sensación foi como se o móbil vibrase e transmitise o movemento ao sofá; algo moi leve e curtiño”. José Filgueiras notou tremer as ventás e a mesa da súa casa no lugar de Vilanova, no concello de Miño. Desde Montrove, Ana Pena conta que “foi un estrondo moi curto, de tres segundos máis ou menos. Parecía como unha bomba, e non era nin un avión nin un trono, pero vibraban as fiestras. Sentiuse moi forte”, relata. Desde Santa Cristina, Eloy Triñanes, outra das persoas que notou o sismo, relatou. “Estaba nunhas oficinas, nun soto, e non notei o tremor pero si un forte ruído. Pensei que era algo no garaxe, ou nas obras da rúa. Unha sensación extraña”, conclúe. A través das redes sociais, hai testemuños de que se percibiu tamén en Meirás, Cambre ou Fene.

Publicidade

A sensación foi como che digo: como si o móbil vibrara e transmitira o movemento ao sofá.

Nos últimos días rexistráronse en Galicia outros dous sismos de menor magnitude que o de Oleiros. O domingo houbo dous pequenos terremotos: un de magnitude 2,6 en Padrenda (Ourense), e outro de 2,3 na Pontenova (Lugo).

3 COMENTÁRIOS

  1. Eiqui en mex.ahi o dia 150 temblores entre 2.5 asta 4.grados pra nos xa e normal amigos de galicia eu tamen son galego de nogueira de ramuin ourense

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A insólita historia de María Wonenburger, a xenia galega das Matemáticas

A científica era descoñecida en Galicia e España e foi visibilizada grazas as súas compañeiras de profesión, María José Souto e Ana Dorotea, da UDC

Podería ser España a próxima en sufrir un terremoto?

Na península podemos esperar sismos de magnitude entre 6,5 e 7 nas fallas asociadas ao mesmo proceso tectónico que o recente de Marrocos

Estes foron os terremotos máis intensos rexistrados en Galicia

O de Triacastela en 1997 foi o de maior magnitude, pero os que máis danos causaron foron os de Ferrol en 1910 e o de Pontevedra en 1920

As ondas sísmicas dos terremotos de Turquía e Siria detectáronse na península

Unha animación resume o movemento dos dous potentes sismos, que xa deixan máis de 2.300 mortos nos países afectados