Venres 29 Marzo 2024

As tres universidades galegas e o CSIC impulsan unha rede de seguridade alimentaria

USC, UVigo e UDC impulsan, xunto ao Instituto de Investigacións Mariñas de Vigo, dependente do CSIC, a Rede Galega de Riscos Emerxentes en Seguridade Alimentaria (Risegal). A iniciativa, que se constituíu este mércores nunha sesión celebrada na sede do IIM en Vigo, está composta por especialistas nos principais axentes poden comprometer a seguridade química e biolóxica dos alimentos comercializados en Galicia.

Risegal terá por obxectivo identificar e explorar os riscos químicos e microbiolóxicos emerxentes en seguridade alimentaria en Galicia tendo en conta factores ambientais e socioeconómicos impulsores como o cambio climático, os novos hábitos de consumo, o envellecemento da poboación, a crise económica ou a globalización. Como fin último, emitirá unha serie de recomendacións e accións para previr a aparición deses riscos.

Publicidade

Teranse en conta novos factores ambientais e socioeconómicos

A rede está coordinada polo grupo de Microbioloxía e Tecnoloxía de Produtos Mariños do IIM, e tamén forman parte dela o grupo de Patoloxía na Acuicultura na USC, que dirixe o profesor Jesús Romalde; o de Ecoloxía e Biodiversidade Mariña do IIM; o de Xenética de Organismos Mariños da UDC; e os de Investigacións Agroambientais e Alimentarias, Tecnoloxía dos Alimentos e Análise Química e Toxicolóxica de contaminantes naturais e antropoxénicos presentes en medio ambiente e alimentos, estes últimos da UVigo. A rede conta ademais coa colaboración do Clúster Alimentario de Galicia e da Rede Galega de Vixilancia en Saúde Pública.

O proxecto está financiado pola Axencia Galega de Innovación no marco do programa de Axudas de Consolidación e Estruturación de Unidades de Investigación Competitivas 2017, e ten prevista como data límite para os traballos o final do ano 2019.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un equipo da UDC aposta pola tecnoloxía dos videoxogos para mellorar a simulación industrial

Os investigadores Javier Pernas e Diego Crespo, da Área de Organización Industrial do Grupo Integrado de Enxeñaría do CITENI, publican no 'Journal of Simulation' o seu último avance

Un equipo do CSIC logra controlar unha doenza causante da extinción dos anfibios

Os investigadores aplicaron un funxicida agrario sen observar trazas do produto nin efectos significativos na química e bioloxía da auga

Pódcast | Reloxos intelixentes e medicina do sono: así nos axuda a tecnoloxía a vivir mellor

Os investigadores do CITIC Diego Álvarez e Patricia Concheiro analizan no sétimo episodio de O Descodificador as aplicacións biomédicas da IA

Aumenta a matriculación feminina en Enxeñaría Informática na UDC e na UVigo

Na universidade coruñesa as rapazas xa representan un 18% das incorporacións, mentres que na viguesa acadan o 19%