O conselleiro Conde e o presidenta da RAGC, Miguel Á. Ríos, na foto tras o acto institucional.

O conselleiro Conde e o presidenta da RAGC, Miguel Á. Ríos, na foto tras o acto institucional.

O Día da Ciencia en Galicia defende máis investigación como piar da economía

"Galicia ten talento", di o presidente da Academia Galega de Ciencias, que reivindica "acelerar o ritmo" para medrar en I+D+i

Hai un Día das Letras Galegas. E, dende hoxe, hai un Día da Ciencia en Galicia, que ademáis dunha actividade básica é tamén un xeito de cultura. A celebración desta xornada vén de reinvidicar o I+D+i como única garantía para sustentar a economía e o estado do benestar. O presidente da Real Academia Galega de Ciencias, Miguel Ángel Ríos, reclamou que esta realidade non quede nunha “frase bonita” e apostou por “acelerar o ritmo” para acadar os estándares dos países máis desenvolvidos. Foi no seu discurso no acto institucional celebrado no Pazo de San Roque de Santiago, o eixo dun día que se estrea este ano e que, ata o de agora, era coñecido como o Día do Científico Galego.

Mesa institucional do acto do Día da Ciencia en Santiago.

Mesa institucional do acto do Día da Ciencia en Santiago.

“A día de hoxe ninguén discute xa a importancia que o coñecemento científico técnico ten para o desenvolvemento socioeconómico dun país”, dixo Ríos, aínda que lamentou que esta afirmación, as veces, se converte “nunha frase bonita para a galería” ou un “tópico publicitario“.

O presidente da RAG recordou que a educación e a investigación “son os piares onde se ha de sustentar o noso sistema de produción de riqueza e de sostemento do estado de benestar“.

“Galicia ten talento”, dixo Ríos, que apostou “acelerar o ritmo neste proceso de modernización para entrar de cheo no club dos países avanzados”.

Pola súa banda, o conselleiro de Economía e Industria, Francisco Conde, dixo que a Xunta tenta que Galicia “sexa unha terra atractiva para os investigadores punteiros” mediante programas como o Oportunius, que busca captar a 24 científicos de alto nivel e co que chegou á USC Diego Martínez, que foi recoñecido no 2013 como o mellor físico de partículas novo de Europa. “Queremos que en Galicia haxa investigadores que exploren as fronteiras da ciencia, seguindo a estela dos brillantes científicos que tivo e ten Galicia. Unha terra atractiva para as mentes máis brillantes é unha terra que abre tódolos camiños do progreso”.

Ángeles Alvariño foi a homenaxeada do primeiro Día da Ciencia en Galicia

“Se estamos onde estamos e podemos ver o mundo desde a altura desde onde o vemos, é porque antes houbo outros que nos foron subindo ata aquí”, dixo Conde, que sinalou como exemplo claro deses xigantes científicos galegos á ferrolá Ángeles Alvariño, recoñecida este ano no Día da Ciencia.

O acto académico na honra de Ángeles Alvariño celebrouse en Santiago coa presenza do presidente da RAGC, Miguel Ángel Ríos, e do conselleiro de Economía, Francisco Conde. O evento incluiu unha semblanza persoal a cargo de María José Leira, licenciada en Ciencias Naturais e sobriña da homenaxeada. Ademais, Juan Pérez de Rubín y Feigl, investigador do Instituto Español de Oceanografía (IEO), impartiu unha conferencia titulada “Ángeles Alvariño González (1916-2005): a primeira oceanógrafa galega”.

En Vigo o Instituto de Investigacións Mariñas (CSIC) abriu unha exposición bibliográfica, ata o vindeiro venres 5 de xuño, na que se poderán ver as obras da oceanógrafa ferrolá. Ademais, grazas á colaboración da Fundación Barrié, será distribuída nos centros escolares de toda Galicia a unidade didáctica elaborada por expertos sobre a figura e o legado de Alvariño. E, entre setembro e decembro, celebrarase un programa de talleres científicos para escolares nas sedes que a entidade ten en Vigo e na Coruña. Ademáis, o Instituto Español de Oceanografía (IEO), ao que pertenceu Ángeles Alvariño celebrará no seu centro costeiro da Coruña unha xorndada de portas abertas o sábado 6 de xuño.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.