Explicación dun dos proxectos participantes en Galiciencia.

Explicación dun dos proxectos participantes en Galiciencia.

Galiciencia abre a inscrición para o seu concurso de proxectos escolares

O prazo remata o 23 de outubro, e poden participar alumnos de Primaria, Secundaria, Bacharelato, FP e Educación Especial

Galiciencia, a maior feira científica de Galicia, continúa coas actividades previas á edición deste 2016, no que cumpre a súa undécima edición. O evento terá lugar entre o 16 e o 18 de novembro no polígono de San Cibrao das Viñas (Ourense), pero a organización xa ten aberto o prazo de recepción de proxectos, no que se fixa como data límite o próximo 23 de outubro. A feira conta, un ano máis, co apoio da Axencia Galega de Innovación (GAiN) e a Fundación Española para a Ciencia e a Tecnoloxía (Fecyt).

Os proxectos gañadores serán expostos durante a celebración da feira

O programa desta feira ten por obxectivo a difusión da ciencia entre os estudantes galegos, polo que gran parte das actividades xiran ao redor. Seleccionaranse 80 proxectos, dos que cincuenta serán de Secundaria, Bacharelato e FP, que competirán polo premio do certame. Amais, trinta proxectos de alumnos de Primaria e Educación Especial participarán fóra de concurso. Todas estas ideas estarán expostas ao público durante os tres días que dura a feira.

As bases xa están publicadas en www.galiciencia.com. Calquera centro escolar pode enviar as súas propostas. Os grupos deberán estar compostos por dous alumnos e un profesor. Como novidade desta edición, os equipos deberán elaborar unha presentación dixital na que se recollan os aspectos máis salientables da investigación, co obxectivo de potenciar a capacidade comunicativa dos participantes.

Monoplaza ideado por un grupo de alumnos participantes no concurso.

Monoplaza ideado por un grupo de alumnos participantes no concurso.

Deste xeito, Galiciencia continúa coas actividades previas á celebración do evento. Xa no mes de abril, a organización lanzou un desafío, denominado ‘Atrévete coas matemáticas’, no que participan estudantes de Secundaria e Bacharelato de toda Galicia. A fase final do concurso celebrarase durante a feira.

Aulas Tecnópole

De forma paralela, a Tecnópole de San Cibrao volve impulsar o seu programa de capacitación en habilidades innovadoras para escolares. Para apuntarse a esta actividade, a inscrición estará aberta ata o 30 de setembro. Nestas Aulas Tecnópole, participarán grupos de alumnos e alumnas de entre 9 e 18 anos. Aprenderán sobre todas as áreas do coñecemento, desde novas tecnoloxías ata humanidades.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.