Laboratorio UVigo

Imaxe dun laboratorio da Universidade de Vigo.

Galicia segue un ano máis por debaixo da media española en I+D

Os datos do INE sinalan que se inviste en I+D un 0,87% do PIB galego, fronte ao 1,19% de media estatal e moi lonxe do 1,89% do País Vasco

O Instituto Nacional de Estadística publicou este martes os seus datos de actividades de I+D no conxunto de Estado referentes a 2016. E Galicia segue, un ano máis, bastante por debaixo da media española no investimento en investigación, desenvolvemento e innovación. Sitúase no décimo posto das 17 comunidades autónomas.

O INE indica que en Galicia emprégase o 0,87% do PIB neste eido, fronte ao 1,19% da media estatal. E aínda máis lonxe das rexións punteiras, como o País Vasco, co 1,89% do seu PIB destinado a este senso, ou Madrid, cun 1,66%. No conxunto da UE, a inversión é aínda maior, cun 2%.

Lixeiro aumento respecto a 2015, pero menor ca o PIB

En canto á taxa de variación respecto a 2015, Galicia aumentou un 1,5% o seu investimento en políticas de investigación e desenvolvemento. Non en tanto, o crecemento foi menor ao PIB, que medrou por riba do 3%, e notablemente por debaixo das comunidades co maior taxa de crecemento, como Castilla y León (13,1%), Murcia (10,2%), ou Castilla-La Mancha (6,5%).

En Galicia gastouse, no conxunto destas accións, un total de 503 millóns de euros. No conxunto do Estado, o aumento foi menor, do 0,7%, lastrado sobre todo polo descenso do investimento en Andalucía, que caeu un 7,9%.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.