Olimpia Valencia, Ángeles Alvariño, Antonia Ferrín, Elisa Díaz, Tarsy Carballas e Inmaculada Paz son algunhas das científicas galegas que xa contan con páxina na Galipedia.

Olimpia Valencia, Ángeles Alvariño, Antonia Ferrín, Elisa Díaz, Tarsy Carballas e Inmaculada Paz son algunhas das científicas galegas que xa contan con páxina na Galipedia.

Estas 23 científicas xa teñen nova páxina na Galipedia

A 'maratón' organizada pola Biblioteca da USC consegue visibilizar a vida e a traxectoria de máis dunha decena de investigadoras galegas

Desde este martes, hai máis dunha decena de científicas galegas e outras tantas do resto do mundo que xa son un pouco máis visibles. A ‘Editatona’, unha xornada de traballo impulsada pola Biblioteca Universitaria e a Oficina de Igualdade da USC, e que contou coa colaboración da Asociación de Mulleres Investigadoras e Tecnólogas de Galicia (Amit-Gal), para editar e mellorar os artigos da Galipedia sobre as científicas galegas, conseguiu crear ou ampliar 23 novas páxinas.

Máis da metade, das pioneiras científicas de Galicia formadas na USC. Destacan os perfís de investigadoras como Dolores Lombardero, Antonia Ferrín, Josefa Ron Noya, Ana Crespo, María de la Concepción Carnero Valenzuela, Irene Lucía Álvarez Veras, Luisa Cuesta Gutiérrez, Tarsy Carballas Fernández, Ramona Vaamonde Fernández, Gueraula Codines, Ascensión Vidal Piazuelo, Manuela Barreiro Pico, Dolores Lorenzo Salgado ou María Rosario Aida Méndez Miaja.

A actividade celebrouse de xeito presencial na Biblioteca Concepción Arenal da USC e acudiron 23 persoas, ás que hai que lle sumar 6 máis que participaron de maneira virtual. A organización da Editatona seleccionou unha lista de 85 mulleres que estudaron na USC entre 1910 e 1960, baseándose na tese de doutoramento realizada pola investigadora Xoana Pintos, doutora en Historia das Ciencias e das Técnicas.

Ademáis da edición das biografías das científicas, a xornada serviu tamén para que os asistentes coñeceran máis de preto o funcionamento da Wikipedia grazas a unha charla impartida por un dos representantes da Galipedia. Na súa intervención, subliñou a necesidade de crear artigos precisos e veraces, indicando as fontes da información. Tamén se explicou o funcionamento de Commons e WikiData como repositorios de información, tanto de documentos audiovisuais como de datos.

Nesta páxina podes consultar a lista de todas as mulleres investigadoras incluídas na Galipedia despois da Editatona deste 20 de febreiro.

– A lista completa: Kisamor, Dolores Lombardero Martínez, Antonia Ferrín, Josefa Ron Noya, Ana Crespo, María de la Concepción Carnero Valenzuela, Irene Lucía Álvarez Veras, Luisa Cuesta Gutiérrez, Tarsy Carballas Fernández, Ramona Vaamonde Fernández, Gueraula Codines, Ascensión Vidal Piazuelo, Manuela Barreiro Pico, Dolores Lorenzo Salgado, María Rosario Aida Méndez Miaja, Susan Dimock, Elisabeth Christina von Linné, Balbina López Somoza, Anna Sandström, Elisa Díaz Riva, Rebeca Atienza, Sarah Parker Remond e Catherine Gage.

4 respostas a “Estas 23 científicas xa teñen nova páxina na Galipedia”

  1. Moitísimas grazas pola difusión e permitide un pequeno apuntamento: a actividade partiu e coordinouse dende a BUSC, Biblioteca Universitaria da USC. Tampouco queremos que o traballo das compañeiras que fixeron posible o evento non sexa visible 🙂

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.