Isabel Rodríguez-Moldes, vicerreitora de Investigación da USC; Xosé Luís Armesto, reitor da UDC; Ramón Doallo; Miguel Ángel Ríos, presidente da RAGC; e Francisco Díaz-Fierros, vicepresidente do Consello da Cultura Galega.

Isabel Rodríguez-Moldes, vicerreitora de Investigación da USC; Xosé Luís Armesto, reitor da UDC; Ramón Doallo; Miguel Ángel Ríos, presidente da RAGC; e Francisco Díaz-Fierros, vicepresidente do Consello da Cultura Galega.

O catedrático de Electrónica Ramón Doallo ingresa na Real Academia de Ciencias

Experto en computación, pertence á Universidade da Coruña e tamén é fundador da empresa Torus Software Solutions

A Real Academia Galega de Ciencias (RAGC) celebrou o acto de ingreso de Ramón Doallo Biempica, catedrático no Departamento de Electrónica e Sistemas da Universidade da Coruña (UDC), que se integra na Sección de Ciencias Técnicas. A súa forma parte da rolda de incorporacións á institución ao longo deste ano, na que están a entrar seis novos académicos de diversas áreas de coñecemento.

Ramón Doallo durante o discurso de entrada na RAGC.

Ramón Doallo durante o discurso de entrada na RAGC.

O discurso de ingreso do novo académico da RAGC titulouse“No camiño da computación exaescala”. A palabra ‘Exaescala’ recolle un concepto de futuro en informática, no que os ordenadores poderán facer trillóns de operacións por segundo, o que suporá un gran avance en disciplinas como a supercomputación ou o estudo de novos medicamentos. Logo da súa alocución, Doallo a medalla de mans do presidente da RAGC, Miguel Ángel Ríos, e o diploma seralle entregado polo reitor da UDC, Xosé Luís Armesto.

Ao acto asistiron, entre outros, o reitor da Universidade de Santiago de Compostela (USC), Juan Viaño; o vicepresidente do Consello da Cultura Galega, Francisco Díaz-Fierros; e o director do Centro de Supercomputación de Galicia (Cesga), Javier García Tobío.

Ramón Doallo doutorouse en Física pola USC e é profesor titular e xefe do Grupo de Investigación en Arquitectura da Computación na UDC. Ten 23 anos de experiencia en investigación e desenvolvemento no campo da Computación de Alto Rendemento (High Performance Computing, HPC), cubrindo unha ampla gama de temas, como compiladores e linguaxes de programación para HPC, algoritmos e aplicacións paralelas e distribuídas, xestión de infraestruturas HPC, computación distribuída, arquitectura do procesador, computación gráfica e sistemas de información xeográfica distribuídos. As súas publicacións sobre estes temas superan as 120.

Doallo traballou na Universidade de Illinois e liderou 40 proxectos de investigación

Foi investigador visitante no Centro de Supercomputación de Investigación e Desenvolvemento e no Departamento de Ciencia da Computación, ambos os dous da Universidade de Illinois (EEUU). Ata o de agora, liderou 40 accións de investigación (proxectos, redes de investigación, etc.) financiados por axencias nacionais e internacionais, institucións públicas e empresas privadas. Na actualidade ocupa tamén a xefatura da Escola Internacional de Doutoramento da Universidade da Coruña.

No eido do emprendemento, Doallo é cofundador da empresa de base tecnolóxica Torus Software Solutions, que ofrece solucións de software de comunicacións ultrarrápidas que permiten acelerar aplicacións en contornas nas que o rendemento é crítico, en especial nos ámbitos financeiro, das telecomunicacións e da enerxía. A empresa está participada pola UDC e pola Fundación Barrié a través do seu Fondo de Ciencia e recibiu xa varios premios polo seu compoñente innovador.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.