Xoves 28 Marzo 2024

Así se ve Galicia dende a Estación Espacial Internacional

Os días na Estación Espacial Internacional non duran moito. De feito, os astronautas ven amencer e anoitecer 15 veces cada vintecatro horas. Orbitando a 27.750 quilómetros por hora, a unha altura de 360 quilómetros, cada día dan 16 voltas arredor da Terra.

Dende que foi lanzado polos rusos en 1998 o primeiro módulo, chamado Zarya, a ISS ten realizado máis de 80.000 órbitas. E, como as xornadas na estación espacial teñen tantos ‘días’, o tempo dá para moito. Malia facer importantes experimentos, os astronautas adoita fotografar o planeta Terra, sobre todo dende o módulo cúpula, construído como un miradoiro.

Publicidade

A Coruña vista dende a Estación Espacial Internacional no ano 2007.
A Coruña vista dende a Estación Espacial Internacional no ano 2007.

Ao longo de quince anos, moitas desas imaxes teñen retratado Galicia. Os astronautas tiraron fotos nas que se observa o país enteiro, xunto a outras que retratan as Rías Baixas, a Costa da Morte, as cidades da Coruña e Ferrol ou mesmo pequenas vilas, que aparecen anotadas co seu nome pola NASA.

Unha foto das Rías Baixas tomada no 2011 dende o módulo Cúpula da ISS.
Unha foto das Rías Baixas tomada no 2011 dende o módulo Cúpula da ISS.

Todas as fotos tiradas dende a Estación Espacial Internacional están recollidas e agrupadas pola NASA nunha web chamada ‘Gateway to Astronaut Photography of Earth’, onde poden consultarse por un buscador ou por un mapa.
A meirande parte das imaxes son posteriores ao ano 2003, pero tamén se inclúen algunhas de Galicia dos anos 1995 e 1997. Neste caso, foron tiradas por astronautas das misións dos transbordadores espaciais como o Columbia ou o Endeavour.

O Golfo Ártabro no ano 2005 dende a ISS.
O Golfo Ártabro e a Costa da Morte no ano 2005 dende a ISS.

Quen, pola contra, queira fotografar a Estación Espacial Internacional dende Galicia ten unha opción sinxela. A NASA ofrece un servizo gratuíto polo que envía un mail para avisar con horas de adianto cando vai pasar por unha zona completa do planeta e haberá boa visibilidade para seguila. Só envía alertas se coincide coa noite e está nun punto elevado sobre o horizonte. A ISS obsérvase como se fose un avión a moi alta velocidade, ou como unha estrela fugaz chamativa por ser moi brillante. Segundo as épocas, estas condicións acontecen en todo o planeta entre dúas veces por semana e unha vez cada dous meses.

Ferrol e a súa ría, nesta fotografía dende o espazo tirada no 2007 dende a ISS.
Ferrol e a súa ría, nesta fotografía dende o espazo tirada no 2007 dende a ISS.

 

Foto que a NASA identifica como cabo Touriñán tomada no 2007.
Foto que a NASA identifica como cabo Touriñán tomada no 2007. En realidade, cabo Prior.

 

Sálvora e Illa de Arousa fotografados pola Estación Espacial Internacional no 2007.
Sálvora e Illa de Arousa fotografados pola Estación Espacial Internacional no 2007.

Todas as fotos tomadas pola ISS de Galicia están dispoñibles
nesta páxina da NASA

5 COMENTÁRIOS

  1. O máis curioso é que na fotografía principal, alonxadísima, distínguese o bestial corte do trazado que a AP-9 supón a pesar do beneficio económico e de movilidade

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

A gran eclipse solar de abril: cando e onde vela en Galicia?

Este fenómeno astronómico será visible de maneira parcial no oeste da comunidade, especialmente na franxa atlántica da Coruña e Pontevedra

O mapa dos ‘químicos eternos’ en Galicia: ata 70 zonas sospeitosas de grave contaminación

Unha investigación europea sinala a presenza no continente destas substancias nocivas para o medioambiente e a saúde

Identificado un novo campamento romano na fronteira entre Galicia e Portugal

Un equipo de arqueólogos detecta un posible recinto fortificado de tres hectáreas de extensión datado entre os séculos I a.C. e I d.C.