Ángel Carracedo, catedrático de Medicina Legal da USC.

Ángel Carracedo, catedrático de Medicina Legal da USC. Foto: Anxo Iglesias.

Ángel Carracedo presenta o xoves o premio ‘Contar a Ciencia’ nunha clase aberta

O catedrático de Medicina Legal falará ós alumnos de Xornalismo da importancia da comunicación científica

O catedrático de Medicina Legal Ángel Carracedo ofrecerá o vindeiro xoves unha clase aberta na Facultade de Xornalismo de Santiago (11:00h. Aula 1) que servirá coma presentación da terceira edición do premio Contar a Ciencia, que distingue aos traballos xornalísticos realizados por estudantes sobre proxectos e iniciativas desenvolvidas nas universidades galegas e que se relacionan coa ciencia e a tecnoloxía.

Totem Piramide 6 copy

O acto estará aberto aos alumnos de Xornalismo, aos doutras facultades así coma aos medios de comunicación. O prestixioso científico falará sobre a importancia da divulgación científica en xeral e sobre a formación dos futuros xornalistas neste campo. Con este acto quedará aberto o prazo de presentación de proposta para participar nunha nova edición de Contar a Ciencia.

Entre as novidades do premio deste ano resalta que xa non é necesario, coma acontecía anteriormente, que os estudantes escollan proxectos que se estean a desenvolver na súa propia universidade, senón que poden optar por un de calqueira das tres institucións. “la Caixa” e Gciencia son, un ano máis, os impulsores dun premio que aposta por fomentar a información e divulgación científica e achegar aos futuros xornalistas as posibilidades do mundo da ciencia para os seus traballos.

A convocatoria conta co apoio da Secretaría Xeral de Universidades e nela tamén participan as Universidades de Santiago, Vigo e A Coruña e a compañía galega de informática Primux. Os interesados en participar no premio terán que presentar antes do vindeiro 15 de abril unha idea esquemática do traballo que van a desenvolver nunha fase posterior. Poderán participar alumnos de xeito individual ou en grupos de dous.

O premio ‘la Caixa’ de Comunicación Científica universitaria chega á súa terceira edición

Os traballos terán que tratar sobre proxectos de ciencia e tecnoloxía que se estén a desenvolver nunha das tres universidades e podrán consistir en reportaxes escritas, traballos audiovisuais (tamén fotográficos) ou nunha combinación de ámbalas dúas modalidades.

O equipo de GCiencia seleccionará as propostas máis destacadas pola súa calidade, orixinalidade do tema tratado e o seu valor xornalístico e comunicativo. Os autores dos traballos seleccionados disporán ata o día 20 de maio para presentar as súas propostas xa totalmente elaboradas e feitas en galego. Ao longo das semanas seguintes publicaranse en GCiencia todos os traballos que pasen esa primeira proba. O xurado fará público o resultado do concurso a finais do mes de xuño. O traballo que resulte gañador obterá un premio de 700 euros e un dispositivo electrónico da marca Primux, ademais haberá un finalista que será premiado con outro dispositivo electrónico.

Os gañadores da edición anterior de Contar a Ciencia foron os estudantes da Universidade de Santiago David Fontán e André Vicente por un traballo sobre as algas. O premio é unha iniciativa que pretende involucrar aos estudantes galegos no coñecemento da investigación que se fai nos seus campus, moi preto de onde cursan as súas titulación. Ademais, trátase de promover o xornalismo e a divulgación científica entre os futuros profesionais da comunicación.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.