Paleopark: buscando as illas Cíes de fai 6.000 anos

As illas Cíes son un paraíso que garda a ría de Vigo. Alí, unha pequena masa de auga, a chamada Lagoa dosNenos, desprega os seus antigos segredos sobre a historia do arquipélago. No máis profundo, hai sedimentos que nos permiten localizar a pegada da Humanidade na nai natureza. Un equipo de sete investigadores do proxecto Paleopark dirixido por Miguel Ángel Mateo, do Consello Superior de Investigacións Científicas (CSIC) recolleu mostras sedimentarias durante semanas na lagoa co obxectivo de ter unha imaxe das illas pasadas. E conseguiron chegar aos rexistros biolóxicos que nos remontan a polo menos 6 mil anos no pasado.