Retrato de Julio Palacios sobre unha obra de Margarita Cimadevila.

Retrato de Julio Palacios sobre unha obra de Margarita Cimadevila.

Descubrindo a Julio Palacios

Regresa o podcast de Efervesciencia lembrando a figura deste investigador e falando de ordenadores cuánticos

Este verán celebrouse na Universidade de A Coruña o I simposio internacional Julio Palacios. E ata alí levamos os nosos micros para conversar con mentes brillantes como o especialista en computación cuántica Ignacio Cirac ou o matemático Harald Helfgott.

 

O ordenador cuántico non existe. Aínda. Pero o día que se consiga crear, os códigos criptográficos actuais, entre eles o da túa tarxeta de crédito, quedarán obsoletos. Na teoría sabemos como se podería construír unha desas máquinas – capaz de resolver problemas que se lle quedan grandes aos superordenadores actuais – pero na práctica os sistemas cuánticos resístense a se deixar manipular.
Un dos científicos que máis ten contribuído á carreira do ordenador cuántico é Ignacio Cirac, do Instituto Max Plank de Óptica Cuántica.

O investigador do Instituto de Quimica-Física Rocasolano do CSIC Josep Mª Oliva cóntanos como coñeceu de xeito casual a figura de Julio Palacios, un dos grandes investigadores do século XX.

O matemático Harald Helfgott resolveu a conxetura feble de Goldbach que levaba aberta desde 1742. Agora xa é un teorema que di que todos os números impares pódense expresar por suma de tres números primos.

Manda un chío cunha letra pegadiza sobre a cultura científica para que se converta na nosa melodía #tuinguel

Conversamos co compositor Manuel Riveiro e co director do coro Encaixe Manuel Abraldes que serán os encargados de converter os textos gañadores en auténticos jingles musicais. Aquí tes as bases. O prazo remata o 12 de outubro ás 24h.

Que é A Chave de Cristal? Entre outras cousas unha nova sección efervescente na que imos presentarvos enredos e adiviñas para facer pensar. Xosé Luis Veiga Goy é o mestre de cerimonias e nos deixa un reto para ir quentando neuronas apto para pequenos e grandes. Envíanos as túas frases con palabras pentavogálicas ás nosas redes ou a efervesciencia@gmail.com

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.