Xoves 28 Marzo 2024

Así son as ondas asasinas

“A historia da navegación está chea de catástrofes causadas por este tipo de ondas asasinas de 20 ou 30 metros de altura que xorden aparentemente da nada e afunden a embarcacións sen darlles tempo aos seus tripulantes para afrontar a ameaza”. Enxeñeiros do MIT publicaron recentemente,  na revista “Journal of Fluide Mechanics”,  o desenvolvemento dunha ferramenta de predición que pode dar aos mariños unha marxe de 2-3 minutos ante a chegada dunha onda xigante, proporcionando tempo dabondo para realizar as operacións esenciais nun barco ou plataforma en alta mar ante un fenómeno deste tipo.

A ferramenta, en forma de algoritmo, analiza os datos das ondas ao redor dos navíos para detectar grupos que poden converterse nunha onda xigante. Dependendo da lonxitude e a altura dun grupo de ondas, o algoritmo calcula a probabilidade de converterse en onda xigante nos próximos minutos.

Publicidade

Os seguintes vídeos mostran a forza do mar e a violencia coa que ondas “normais” impactan nos barcos en diversas zonas do mundo.

Non imaxino como pode ser unha onda asasina de verdade.

Nas nosas costas Portos do Estado ten un complexo sistema de boias para medir o tamaño da ondada que alcanza o territorio nacional. Hai unha ducia de boias costeiras e 15 da rede exterior, en augas profundas.

Segundo os datos dos que dispón este organismo do Ministerio de Fomento, a máis grande onda medida en España produciuse durante un violento temporal o 24 de xaneiro de 2009 na costa santanderina, e foi medida pola boia Augusto González de Linares. A ‘Altura significante’ (a media do terzo superior) rexistrada polo dispositivo ese día deu un valor de 14,8 metros, polo que se pode calcular que a Hmax da onda individual máis alta alcanzou esa xornada os 26,1 metros. Estatisticamente, a onda máxima calcúlase que é 1,6 veces a onda significante. Iso implica que as ondas máximas foron de 18,4 metros a 20,34. O récord absoluto segue a telo a boia de Santander, que o 24 de xaneiro de 2009 rexistrou unha onda máxima de 26,13 metros.

E, para rematar, unha curiosidade: o mar ás veces ábrese…

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A pegada ambiental do turismo galego: as termas son a actividade máis contaminante

Un estudo nas Rías Baixas no que participan investigadores de Vigo e Santiago conclúe que os festivais e as visitas a xardíns son opcións máis sostibles

En que zonas das Rías Baixas hai plásticos flotantes? Este mapa ten a resposta

Un equipo do Grove leva dende 2016 realizando mostraxes na ría de Arousa e nas súas augas circundantes para estudar o lixo mariño en superficie

As candorcas volverán esta semana a Galicia

Os expertos confirman o avistamento de 'Orcinus orca' á altura de Braga, polo que se prevé a súa entrada nas Rías Baixas nos próximos días

Por que as candorcas entraron na ría de Arousa?

Os expertos non se sorprenden pero recoñecen que non hai constancia de que se producise un feito semellante, cando menos nos últimos anos