Ceres

Voar sobre o planeta anano Ceres

Créditos do vídeo: NASA, JPL-Caltech, UCLA, MPS/DLR/IDA, DLR, ESO

Explicación: a que se parecería voar sobre o planeta anano Ceres? Animadores do Centro Aeroespacial Alemán tomaron recentemente imaxes reais e datos de alturas da misión automátida Dawn da NASA, actualmente de visita en Ceres, para xerar varias secuencias virtuais fascinantes. O vídeo publicado comeza cunha órbita de proba ao redor da rocha espacial de 950 km de ancho, co cráter que amosa dúas das enigmáticas manchas brancas aparecendo cedo á vista pola rotación. As seguintes secuencias levan ao observador ao redor dos polos norte e sur de Ceres, e despois sobre o limbo do mundo escuro que salienta a súa superficie ateigada de cráteres. Aquí, a altura do terreo do meirande obxecto do cinto de asteroides foi dobrado dixitalmente, mentres se engadiu no fondo un campo artificial de estrelas. A sonda espacial Dawn probablemente ficará coma unha estraña lúa artificial de Ceres moito despois de que a misión conclúa.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.