Explicación: o 8 de maio, o planeta máis interior, Mercurio, cruzou por diante do Sol. Aínda que as fotografías recollen o evento en só dúas dimensións, unha interesante perspectiva tridimensional do tránsito é posible ollando de balde esta parella en estéreo. A imaxe fíxose con 23 minutos de diferencia e xirada de xeito que a posición de Mercurio varía horizontalmente entre as dúa. Como resultado, o movemento orbital de Mercurio produciu unha paralaxe esaxerada que simula unha visión binocular. Entre as dúas instantáneas, o veloz planeta de apropiado nome que se move a 47,4 quilómetros por segundo de velocidade orbital realmente viaxou uns 65 000 quilómetros. A imaxe da esquerda, tirada en primeiro lugar, está pensada para o ollo dereito, polo que precísase ollar de xeito birollo para ver a Mpequena silueta de Mercurio suspendida no primeiro plano. Próbao. Xuntar o texto da parte inferior da imaxe axuda.