Sobrevoando Plutón

Créditos do vídeo: NASA, Johns Hopkins Univ./APL, Southwest Research Inst.
Explicación: levou 9,5 anos chegar tan preto, pero agora podes tomar un voo virtual sobre Plutón nesta animación con datos de imaxes procedentes da nave espacial New Horizons. O terreo plutoniano que se vai despregando a 77.000 quilómetros (48.000 millas) por baixo identíficase coma os montes Norgay, seguidos por Sputnik Planum. As montañas de xeo, informalmente baptizadas por un dos primeiros escaladores do monte Everest Tenzing Norgay, chegan ata os 3.500 quilómetros (11.000 pés) por riba da superficie. As chairas sen cráteres, conxeladas e novas, chámanse de xeito informal como o primeiro satélite artificial da Terra. O Sputnik Planum está ao norte dos montes Norgay, no interior do accidente xeográfico con forma de corazón, brillante e extenso, coñecido provisionalmente coma Tombaugh Regio por Clyde Tombaugh, quen descubriu Plutón en 1930.