Xoves 28 Marzo 2024

Saturno no equinoccio

Saturno equinoccio
Créditos: Cassini Imaging Team, ISS, JPL, ESA, NASA

Explicación: como sería Saturno se o seu plano dos aneis apuntara directamente ao Sol? Ninguén o sabía antes de agosto de 2009. Cada 15 anos, tal e como se ve desde a Terra, os aneis de Saturno apuntan cara a nós e parecen desaparecer. Os aneis desaparecidos xa non son un misterio; sábese que os aneis de Saturno son tan delgados e a Terra está tan preto do Sol que cando os aneis apuntan cara este, tamén apuntan case de canto cara á Terra. Por sorte, neste terceiro milenio, a humanidade está abondo avanzada para ter sondas espaciais que poden ver os aneis durante o equinoccio desde o seu carón. En agosto de 2009, esa sonda espacial en órbita de Saturno, a Cassini, foi quen de capturar unha serie de imaxes sen precedente dos aneis de Saturno durante o equinoccio. Enriba amósase unha composición dixital de 75 de tales imaxes. Os aneis parecen estrañamente escuros e unha liña de sombra moi fina pode formarse sobre as nubes superiores de Saturno. Os obxectos que sobresaen do plano de aneis son alumeados brillantemente e proxectan sombras longas. O exame destas imaxes está a axudar á humanidade a entender os tamaños específicos das partículas dos aneis de Saturno e a dinámica xeral do seu movemento orbital. Esta semana, a Terra experimenta un equinoccio.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

LIA (2), pioneiros galegos no desenvolvemento da intelixencia artificial na astronomía

O grupo da UDC recibiu o Premio Spin-Off PuntoGal na edición 2023 pola súa traxectoria de éxito

Un novo exoplaneta desafía as teorías clásicas de formación planetaria

Un equipo de astronónomos descobre LHS 3154b, cunha masa similar a Neptuno, orbitando preto dunha estrela anana de moi baixa masa

Descubertos seis exoplanetas que ‘bailan’ de forma sincronizada arredor da súa estrela

Os planetas posúen unha configuración que apenas cambiou desde hai máis de mil millóns de anos

Begoña Vila: “Atoparemos probabilidades de vida noutro planeta”

Co gallo do décimo aniversario de Gciencia, a astrofísica da NASA analiza a divulgación dos achados cósmicos e a busca de vida intelixente