Venres 29 Marzo 2024

A nebulosa Comecocos

Créditos da imaxe e copyright: Ken Crawford (Rancho Del Sol Observatory)
Créditos da imaxe e copyright: Ken Crawford (Rancho Del Sol Observatory)

Explicación: olla ao través da nube cósmica catalogada coma NGC 281 e poida que te perdas as estrelas do cúmulo aberto IC 1590. Aínda así, as estrelas masivas e novas do cúmulo, formadas no interior da nebulosa, alimentan tamén o penetrante brillo nebular. As formas atractivas e axexantes neste retrato de NGC 281 son columnas esculpidas e densos glóbulos de po ollados en silueta, erosionados polos ventos potentes e intensos maila radiación procedentes das estrelas quentes do cúmulo. Se sobreviven tempo abondo, as estruturas poeirentas poderían ser tamén lugares de futura formación estelar. NGC 281, chamada comicamente a nebulosa Comecocos pola súa forma, está a uns 10.000 anos luz de distancia da constelación Cassiopeia. Esta clara imaxe composta fíxose mediante filtros de banda estreita, combinando a emisión dos átomos de hidróxeno, xofre e osíxeno da nebulosa en cores verde, vermella e azul. Abarca uns 80 anos luz á distancia estimada de NGC 281.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Que fai a supercomputación galega nun xacemento exipcio de hai 3.500 anos?

O CESGA almacena nun repositorio seguro a información das campañas de escavación que se desenvolven na antiga cidade de Tebas

O catedrático da UDC García Mira leva os seus estudos en psicoloxía ambiental ata Filipinas

A Universidade de Santo Tomás organizou unha conferencia sobre o papel da ciencia psicolóxica para abordar o impacto do cambio climático

A Serra da Capelada foi un glaciar da última Idade do Xeo: “É un caso singular en toda a península”

O traballo do catedrático e investigador da USC Augusto Pérez-Alberti analiza a súa configuración xeomorfolóxica e a paisaxe

As plantas non nativas aceleran a desaparición dos ameneiros galegos

As árbores centroeuropeas que se importan para restaurar as plantacións afectadas por unha doenza fúnxica producen uniformidade xenética