Xoves 28 Marzo 2024

O Cangrexo en varias lonxitudes de onda

Créditos da imaxe: NASA, ESA, G. Dubner (IAFE, CONICET-Universidade de Buenos Aires) et al.; A. Loll et al.; T. Temim et al.; F. Seward et al.; VLA/NRAO/AUI/NSF; Chandra/CXC; Spitzer/JPL-Caltech; XMM-Newton/ESA; Hubble/STScI
Créditos da imaxe: NASA, ESA, G. Dubner (IAFE, CONICET-Universidade de Buenos Aires) et al.; A. Loll et al.; T. Temim et al.; F. Seward et al.; VLA/NRAO/AUI/NSF; Chandra/CXC; Spitzer/JPL-Caltech; XMM-Newton/ESA; Hubble/STScI

Explicación: a nebulosa do Cangrexo está catalogada coma M1, o primeiro obxecto da famosa listaxe de cousas que non son cometas de Charles Messier. De feito, sábese agora que o Cangrexo é un remanente de supernova, refugallos en expansión procedentes da explosión mortal dunha estrela masiva testemuñados no planeta Terra no ano 1054 A.D. Esta ousada imaxe nova ofrece unha imaxe do século XXI da nebulosa do Cangrexo presentando unha imaxe con datos de todo o espectro electromagnético coma lonxitudes de onda de luz visible. Desde o espazo,os datos de Chandra (raios X), XMM-Newton (ultravioleta), Hubble (visible) e Spitzer (infravermello) amósanse en cores púrpura, azul, verde e amarelo. Desde terra, os datos da lonxitude de onda do radio do Very Large Array aparecen en vermello. O púlsar do Cangrexo, unha estrela de neutróns que xira 30 veces por segundo que é un dos obxectos máis exóticos coñecidos polos astrónomos modernos, é a mancha brillante preto do centro da imaxe. Coma unha dinamo cósmica, este remanente colapsado do núcleo estelar alimenta a emisión do Cangrexo por todo o espectro electromagnético. A nebulosa, que abarca uns 12 anos luz, está a 6 500 anos luz de distancia na constelación Taurus.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

Envía o teu nome a Xúpiter nunha misión espacial da NASA

Dende a axencia lanzarán unha botella que leva tamén un poema da escritora estadounidense Ada Limón

O galego aos mandos da dinámica orbital da NASA: “O espazo parecíame ciencia ficción”

Andrés Dono entrou na administración espacial americana con 24 anos para facer unhas prácticas. Unha década despois lidera o equipo que deseña a traxectoria dos satélites

Begoña Vila: “Atoparemos probabilidades de vida noutro planeta”

Co gallo do décimo aniversario de Gciencia, a astrofísica da NASA analiza a divulgación dos achados cósmicos e a busca de vida intelixente