Créditos da imaxe: NASA, JPL-Caltech, Goldstone Solar System Radar

Créditos da imaxe: NASA, JPL-Caltech, Goldstone Solar System Radar

O asteroide que se achegou á Terra

Na lista de obxectos potencialmente perigosos, o 2014 JO25 pasou 'preto' da Terra a 1,8 millóns de quilómetros

Créditos da imaxe: NASA, JPL-Caltech, Goldstone Solar System Radar

Créditos da imaxe: NASA, JPL-Caltech, Goldstone Solar System Radar

Explicación: un día antes do seu máximo achegamento, o asteroide 2014 JO25 foi rexistrado polo radar coa antena de 70 metros do complexo de comunicacións Goldstone Deep Space da NASA en California. Esta grella de 30 imaxes de radar, desde arriba á esquerda deica abaixo á dereita, desvela a forma de dous lóbulos do asteroide que rota máis ou menos unha vez cada cinco horas. O seu lóbulo máis grande ten uns 610 metros de diámetro. Na lista de Asteroides Potencialmente Perigosos, esta rocha espacial fixo a súa máxima aproximación ao noso fermoso planeta o 19 de abril, voando ben seguriño máis alá dunha distancia de 1,8 millóns de quilómetros. Iso vén a ser catro veces a distancia da Terra á Lúa. O asteroide foi unha manchiña tenue en rápido movemento visible con telescopios de afeccionado. O asteroide 2014 JO25 descubriuse en maio de 2014 no Catalina Sky Survey, un proxecto do Programa de Observacións de Obxectos Achegados á Terra (NEOs) da NASA en colaboración coa Universidade de Arizona.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.