Créditos da imaxe e Copyright: Desculpas a: o Astrómo e o Xeógrafo; de Vermeer; pixelado de imaxes: Rob Stevenson.
Explicación: benvido ao aniversario vicenal do Astronomy Picture of the Day (Imaxe Astronómica do Día)! Quizais unha fonte de consistencia web para algúns, o APOD aínda está aquí. Ao igual que ao longo dos 20 anos de escolma de imaxes, escritura de textos e edición das páxinas web do APOD, o industrioso Robert Nemiroff (esquerda) mailo persistente Jerry Bonnell (dereita) aparecen representados arriba para salientar outra imaxe non consciente do noso cosmos. Aínda que a imaxe publicada poida parecer semellante á composición extravagente de Vermeer que se usou no quinto aniversario do APOD, un ollo atento podería captar que foi re-pixelada dixitalmente empregando moitas das aproximadamente 5.000 imaxes do APOD que apareceron durante a historia do APOD (atopas algunha das imaxes destacadas do APOD?) Unha vez máis, desde o APOD gustaríanos ofrecer un sincero agradecemento aos nosos lectores polo interese continuado, o apoio e moitas comunicacións simpáticas. Se te consideras a ti mesmo un admirador do APOD, poderías pensar en unirte aos Amigos do APOD.