Nova sobre Tailandia

Explicación: unha nova de Sagittarius é brillante abondo para ollala con prismáticos. O estourido estelar, detectado o mes pasado, chegou a aproximarse ao límite da visibilidade a simple vista a semana pasada. Unha nova clásica orixínase a partires dun estoupido termonuclear sobre a superficie dunha estrela enana branca, unha estrela densa co tamaño da nosa Terra pero a masa do noso Sol. Na imaxe publicada, a nova  foi captada a semana pasada por riba do vello WatMahathat en Sukhothai (Tailandia). Para ollar Nova Sagittarius 2016 por ti mesmo, só tes que saír tralo solpor e localizar preto do horizonte á constelación do Arqueiro (Sagittarius), identificada popularmente como unha teteira icónica. Tamén se pode ollar preto da nova o planeta Venus moi brillante. Pero non te retrases, porque non so a nova se está a apagar; tamén parte do ceo se está a poñer de seguido máis preto do solpor.