Venres 29 Marzo 2024

No interior do cúmulo galáctico Coma

Cúmulo galáctico Coma
Créditos da imaxe: NASA, ESA, Hubble Heritage (STScI/AURA); Agradecementos: D. Carter (LJMU) et al. e o Coma HST ACS Treasury Team.

Explicación: case cada obxecto da fotografía superior é unha galaxia. O cúmulo galáctico Coma fotografado enriba é un dos cúmulos máis densos coñecidos; contén milleiros de galaxias. Cada unha destas galaxias aloxa milleiros de millóns de estrelas; xusto tantas coma a nosa propia galaxia Vía Láctea. Aínda que preto, comparado con outros cúmulos, á luz procedente do cúmulo Coma aínda lle leva centos de millóns de anos en chegar a nós. De feito, o cúmulo Coma é tan grande que a luz tarda millóns de anos en ir dun extremo ao outro! O mosaico superior de imaxes dunha porción pequena de Coma tirouse cun detalle sen precedentes en 2006 polo Telescopio Espacial Hubble para investigar como as galaxias dos cúmulos ricos se forman e evolucionan. A maior parte das galaxias de Coma e outros cúmulos son elípticos, aínda que algunhas fotografadas son claramente espirais. A galaxia espiral da parte superior esquerda da imaxe superior tamén pode atoparse coma unha das galaxias máis azuis da parte superior esquerda desta imaxe de campo amplo. No fondo, milleiros de galaxias poden verse sen relación con estas, visibles máis lonxe por todo o Universo.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

LIA (2), pioneiros galegos no desenvolvemento da intelixencia artificial na astronomía

O grupo da UDC recibiu o Premio Spin-Off PuntoGal na edición 2023 pola súa traxectoria de éxito

Un novo exoplaneta desafía as teorías clásicas de formación planetaria

Un equipo de astronónomos descobre LHS 3154b, cunha masa similar a Neptuno, orbitando preto dunha estrela anana de moi baixa masa

Descubertos seis exoplanetas que ‘bailan’ de forma sincronizada arredor da súa estrela

Os planetas posúen unha configuración que apenas cambiou desde hai máis de mil millóns de anos

Begoña Vila: “Atoparemos probabilidades de vida noutro planeta”

Co gallo do décimo aniversario de Gciencia, a astrofísica da NASA analiza a divulgación dos achados cósmicos e a busca de vida intelixente